Abahanzi 10 bazize Jenoside yakorewe Abatutsi muri Mata 1994

Muri Jenoside yakorewe Abatutsi habarwa umubare munini w’abanyarwanda ugera kuri miliyoni bayiguyemo, bayiburiyemo ubuzima.

Muri iyo miliyoni y’abanyarwanda harimo abahanzi baririmbaga ku giti cyabo, abari mu matsinda n’abari muri korari hirya no hino mu gihugu.

Dore bamwe mu bahanzi babuze ubuzima bwabo muri Jenoside yakorewe Abatutsi:

1. Umuhanzi Rugamba Sipiriyani

Umuhanzi Rugamba Sipiriyani yishwe tariki ya 7 Mata 1994, yicirwa iwe mu rugo n’abamwe mu muyango we n’abaririmbyi be. Azwi cyane mu ndirimbo nyinshi yakoze hamwe n’itorero Amasimbi n’Amakombe.Azwi cyane mu ndirimo zirimo;Agaca, Akanigi,Umusore,Urungano Cyuzuzo n’izindi.

2. Umuhanzi Sebanani Andre

Sebanani Andre yari umucuranzi n’umuririmbyi muri Orchestre Impala, yarazwi cyane mu kinamico kuri Radio Rwanda yakinaga mu Itorero Indamutsa. Yariribye indirimo ku giti cye zirimo Karimi ka shyari na Mama Munyana. Yasize abana bane nabo bateye ikirenge mu cye.

3. Umuhanzi Bizimana Loti

Umuririmbyi Bizimana Loti na we yishwe muri jenoside yakorewe abatutsi, yari umuntu ukunda gushyenga, akaba yarahangaga ibihangabo bishingiye mu gushyenga ariko bitanga impanuro. Azwi mu Ndirimbo Nsigaye ndi Umuzungu na Nta munoza.

4. Umuhanzi  Karemera Rodrigue

Umuhanzi Karemera Rodrigue yishwe muri jenoside yakorewe abatutsi, akaba yari igihangange mu muziki nyarwanda, yari umuhanzi uririmba ku giti cye. Azwi mu ndirimbo Kwibuka. Akaba afite n’umuhungu w’umuhanzi witwa Irandukunda Valère Karemera

5. Umuhanzi  Emmanuel Sekimonyo

Umuririmbyi Emanuel Sekimonyo yari umuhanzi ku giti cye, yishwe muri jenoside yakorewe abatutsi muri Mata 1994.Yari azwi mu ndirimbo Umwana w’Umunyarwanda.

6. Bizimungu Dieudonne

Umuhanzi Bizimungu Dieudonne yari umuhanzi uririmba ku giti cye, yishwe na we muri jenoside yakorewe abatutsi. Azwi mu ndirimbo Ibango ry’ibanga.

7.Uwimbabazi Agnes

Umuhanzikazi,akaba yari umufasha wa Bizimungu Dieudonne,yishwe nawe muri jenoside yakorewe abatutsi .Ijwi rye riri mu ndirimbo Munini yaje.

8.Gatete Sadi

Umuhanzi Gatete Sadi yari mu bagize itsinda ry’Abamararungu, ryari rikomeye mbere ya jenoside. Itsida ryabo rizwi mu ndirimbo Ijambo ry’uwo ukunda,Julienne, Urugo rw’Umugabo,n’izindi

9.Rugerinyange Eugene

Umuhanzi Rugerinyange Eugene yari mu itsinda  Orchestre Ingeli nayo ikaba yari ikomeye mbere ya jenoside, uyu muhanzi nawe yasize ubuzima muri jenoside yakorewe abatutsi muri Mata 1994. Iyi Orchestre ikaba ikiriho kugeza ubu.

10.Murebwayire Mimir

Umubyeyi waririmbaga muri Orchestre Les Citandis, ni imwe muri orchestra zari zikomeye mbere ya jenoside, uyu muririmbyi yishwe muri jenoside yakorewe abatutsi muri Mata 1994. Bazwi mu ndirimbo Ancila na Rugori Rwera

Uretse aba bahanzi tubashije kuvuga hari n’abandi benshi amazina yabo atarabasha kumenyekana baririmbaga cyangwa bacuranga ahantu hatandukanye. Uko abantu bazajya babibuka tuzajya tubongeraho.

 

Last modified on Saturday, 28 April 2018 14:26

Leave a comment

Make sure you enter all the required information, indicated by an asterisk (*). HTML code is not allowed.

Igiseke

culture-in-rwanda

Kwamamaza

Umurage Wacu 3lOGO UMURAGECqAJqoFW8AAF6RY.jpg large

Facebook

Inkuru zose

© 2016  Umurage Wacu  Group 

Tel:+250 783541018 /728541018

Email:umuragewacugroup@gmail.com

Address:Kigali-Rwanda

Design by FRI SOFT Ltd