Julius Kambarage Nyerere ni umunyatanzaniya, umunyapolitiki, impirimbanyi yabadakunda ubukoroni, umwanditsi w’ibitabo.

 

Dore ibintu wamenya kuri Julius Nyerere:

 

1. Julius Kambarage Nyerere yavutse taliki ya 13 /04/1922 

2. Nyerere Yavukiye Butiama, ni agace kari muri coloni y’Abongereza muri Tanganyika.

3. Nyerere ,Ise yari Umutware w’Abazanaki witwaga Burito Nyerere , ni umwe mubana 25 babayeho ba Burito Nyerere.

4. Mu kwezi kwa cumi 1942, Nyerere yaragije Amashuri ye yisumbuye yiyemeza gukomereza muri kaminuza ya Makerere iri muri Uganda mu mujyii wa Kampala Nyuma akomereza amashuri ye muri Kaminuza yo muri Scotland yitwaga Edinburgh.

5. Mu mwaka wa1952 yagarutse muri Tanganyika, aho yashakiye umugore ndetse akanahakorera akazi ko kwigisha.

6. Julius Kambarage Nyerere ni umutanzaniya w’umunyapolitike warwanyaga ubutegetsi bw’abakoroni.

7. Yabaye Minisitiri w’Intebe wa Tanganyika guhera 1961 kugeza 1962 nyuma Aba perezida wa Tanganyika guhera 1964 kugeza 1965.

8. Perezida Nyerere yabaye Perezida wambere wa Tanzaniya 1964 nyuma y’uko babonye ubwigenge babukuye kubwami bw’Abongereza mu 1961.

9. Nyerere yayoboye Tanzaniya kuva 1964 kugeza 1985.

10.  Nyerere Yashinze ishyaka bitaga TANU ( Tanganyika African National Union), mu 1977 ishyaka rya TANU  rihinduka Chama Cha Mapinduzi, Perezida Nyerere yayoboye iryo shyaka kugeza muri 1990. Chama cha Mapinduzi yarifite intego yo guteza imbere ubumwe bw’Abanyafurika ndetse no gukorera hamwe.

11.  Nyerere yateje imbere gahunda yo gukorera hamwe nkabanyatanzaniya bitaga “Ujamaa”

12. Mu mwaka wa 1954, Nyerere yafashije ishyaka rye rya TANU gushaka   ubwingenge bwa Tanganyika Babukuye kubwami bw’Abongereza bwabakoronezaga   binyuze muri campaign yo gushaka ubwigenge bw’Abanyatanganyika, nkuko Abahinde babikoze kugirango babone ubwingenge babukuye K’Ubwongereza bwabakoronezaga. Nyereri yabigishaga gukora imyigaragambyo yo mumahoro kugirango abongereza babahe ubwingenge.

13. Mu mwaka wa  1961, Tanganyika yabonye Ubwingenge binyuze mubiganiro hagati ya Julius Nyerere ndetse n’abari abayobozi b’Ubwami bw’Abongereza.

14. Mu mwaka wa  1962,  Tanganyika yabaye Repubulika, Nyerere atorwa nka Perezida wa mbere wa Tanganyika.

15. Mu mwaka wa 1964 , Tanganyika yihuje n’ikirwa cya Zanzibar biba igihugu kimwe kitwa “TANZANIYA “ ni nyuma gato  y’impinduramatwara yabaye mu kirwa cya Zanzibar.

16. Mu mwaka 1967, Perezida Nyerere yashyizeho gahunda ya “UJAMAA’’ nkuburyo bwo gukorera hamwe. Icyogihe urwego rw’uburezi ndetse n’ubuzima zaragutse cyane.

17. Yateje imbere urwego rw’ubuhinzi binyuze mugukorera hamwe kw’Abanyatanzaniya. Ibi byatumye Tanzaniya yihaza mubiribwa ndetse ireka gutega amaboko inkunga z’Amahanga.

18.  Guverinoma ya tanzaniya yari iyo bowe na Julius Kambarage Nyerere  yahaga imyitozo ndetse nimfashanyo imitwe y’abanyafurika yarwanyaga ubukoroni bw’Abazungu yari mu majyepfo y’Afurika. Ibi byabaye mu 1978-1979 mu ntambara na  Uganda bituma Perezida wa Uganda wari uriho icyo gihe Id Amin ahirikwa kubutegetsi.

19.  Mu mwaka wa 1985, Perezida Nyerere yasimbuwe na Ali Hassan  Mwinyi aba Perezida wa Tanzaniya wa kabiri. Gusa Nyereri yakomeje kuyobora ishyaka rya Chama Cha Mapinduzi (CCM) kugeza muri 1990.

20. Perezida Julius Kambarage Nyerere yabaye umuyobozi mwiza muri Africa ndetse yanahabwaga Icyubahiro nk’uwabashije kurwanya ubutegetsi bw’Abakoroni b’Abazungu  muri Afurika. Nyerere yarazwi  kukazina ka Mwalimu nkakazi yakoraga ataraza muri Politiki.

21. Perezida Julius Nyerere yahabwaga icyubahiro muri Tanzaniya kugeza aho bamwita “UMUBYEYI W’IGIHUGU” Father of the Nation”

22.  Perezida Julius Nyerere yatabarutse  taliki ya 14/10/1999. Afite myaka 77.

 

Imvano y' Ifoto: Internet

 

Icyorezo cya Coronavirus cyatumye inzego nyinshi zihungabana mu mirimo yazo mu Rwanda. Ubukerarugendo ni bumwe mu nzego zahuye n’ibibazo kubera ibintu byinshi byahagaze; ingendo zirahagarara, inama, utubari, cinema, ibirori bitandukanye,  ahacururiza imitako n’urwibutso, ahantu nyaburanga, Ingoro ndangamurage n’ibindi byinshi.

Ni byiza gutekereza uko abantu bakora mu bukerarugendo bazitwara nyuma y’iki cyorezo, gusubira mu mirimo, kuzahura ubukerarugendo, gukurura abakiriya.

Dore uburyo burambye bwa

1. Gutekereza abenegihugu

Iki ni igihe cyiza cyuko abantu batekereza ku byiza biri mu gace kabo, akarere, intara bityo bagashaka uburyo bakangurira abantu kubisura ,kubimenya.

Ni byiza gukangurira abengegihugu gutembera, kumvako nabo bakora ubukerarugendo kandi bukinjiza.Kubashyiriraho uburyo buborohera,bigatuma baza ari benshi kandi bakishima.

Abantu bafata ko  gutembera ari ibyabanyamahanga gusa. Oya,umuntu wese ashobora cyangwa akora ubukerarugendo mu buryo ubu cyangwa ubundi. Waba ugiye gusengera ahantu, gusura inshuti n’abavandimwe, gusura aho wize, kureba ahantu utaruzi, kujya mu nama ahantu,…

2. Gutekereza abaturanyi b’ibihugu bituranye

Ni byiza gushaka gutekereza ku bintu bya kurura abaturanyi bacu bo mu bindi bihugu. Kuko gukora ingendo hagati y’ibihugu byibituranyi biroroha kandi ikiguzi cyo gutembera ntabwo kiba gikanganye.

Akenshi mu bihugu biri mu miryango imwe biba byarorohereje abaturage babyo kugenderana, kwishyura ibiciro bimwe cyangwa biringaniye byo gusura ibyiza nyaburanga byo muri buri gihugu.

Urugero: Kugenderana hagati y’ibihugu bya EAC  aribyo u Rwanda,Uganda na Kenya biremewe gukoresha indangamuntu kandi no gusura pariki zo muri ibyo bihugu biroroshye iyo ukomoka muri kimwe muri ibyo bihugu.

3. Guhanga udushya

Igihe cyiza cyo gutekereza ku kintu kitari gisazwe mu bukerarugendo haba mu karere,mu ntara no mu gihugu. Ikintu gituma abantu bagira amatsiko yo kuza kukireba.

Abategura ingendo bagaketekereza  guhanga udushya muri serivisi zari zisanzwe zitangwa,z ituma abantu bagira amatsiko yo kuza bakugana.

Urugero: Amaresitora n’amahoteli bakwiriye gutekereza uburyo aba bagana baza bagasanga hari ikintu cyahindutse mu mikorere bari basazwe bafite. Gutegura ibirori,ibitaramo, kugabanya ibiciro n’ibindi.

4. Gutembera mu byaro

Gutembera mu cyaro ni ibintu bishimisha abenegihugu cyane, gutembera mu biturage bitandukanye,gusura ahantu ndangamateka na ndangamurage,kumenya ibikorwa bikorerwa mu cyaro.

Abantu batembereye birabashimisha gusura nk’uruganda ruciritse mu cyaro, kuzamuka umusozi, gukora imirimo yo mu cyaro, kumenya amateka ya hantu habereye nki kintu.

5. Guteza imbere ubukerarugendo ndangamuco

Ubukerarugendo ndangamuco buteza imbere igihugu cyane. Ni byiza kuzamura uru rwego bigafasha abarukoramo . Gutegura ibitaramo, amaserukiramuco, Impurika bikorwa, bihangano, bituma abahanzi binjiza.

Urugendo: Guteza imbere abanyabukorikori, bizabafasha guhanga udushya no kwiteza imbere,gukora ibintu byinshi.

6.  Kugabanya ibicico

Ubukungu bwarahugabanye,ni uburyo bwo kureba uko wafasha abahaha kubona ibyo bifuza kandi nawe ukabasha kubaho.Abantu bagafashanya,ushaka ikintu akakibona adahenzwe kandi n’ucuruza akumva adahombye.

Urugero: Amaduka acuruza imyenda,inzu z’ubukorikori  mwakwiha igihe cyo gukurura abakiriya,mukagabanya ibiciro.

7.  Guteza imbere ibikorerwa imbere mu gihugu.

Igihe cyo kuzamura ibikorerwa mu gihugu, guteza imbere inganda ziciriritse ndetse n’inganda nini. Bizatuma habaho guhanga imirimo no guteza imbere igihugu. Gukundisha abenegihugu ibikorerwa iwawo, kubereka ko ari byiza. Kandi ni nganda zigakora ibyiza bigatuma n’ibiciro bigabanuka.

8. Kwamamaza ibikorwa

Kumenyekanisha ibyo abantu bakora ni uburyo bwo guteza imbere ibyo uba ushaka ko abantu bamenya, bagura, ushaka ko abantu bakugana. Iki ni igihe cyo guhindura imyumvire, yo hutekereza uburyo bwo kubona abakiriya. Ni byiza gukoresha uburyo bushoboka bwose bakaza.

Urugero: Nimba uri kampani ikora ubukerarugendo, Ari Ahantu ndangamateka na ndangamuco ni byiza kwamamaza ibikorwa byanyu, gahunda zanyu,bizatuma abantu babamenya kandi babagane.

Guhera ku bayozi b’inzego zibanze, buri umwe akumva ko ubukerarugendo ari uruganda rufitiye igihugu akamaro. Hakubahwa kandi hagashyigkirwa abarushoramo, inganza zose siba zifite aho zihuriye n’ubukerarugendo. Kwerekana ibyiza nyaburanga biba mu duce twabo.

9. Gushyigikira ubukerarugendo burambye.

Ubu abantu bose bashyigikiye ubukerarugendo burambye,ubukerarugendo butangiza, ubukerarugendo bu bungabunga ibidukikije, ubukerarugendo umunyagihugu agirmo uruhare, abonamo inyugu.

Urugero: Abategura ingendo batekereza mu gutegura ingendo zifasha abatembereye kwegera abaturage, kugira uruhare mu iterambere ryaho batembereye, kurinda ibidukikije,  kwigisha abantu, gusigasira ahantu ndangamuco na ndangamateka,..

10. Ubufatanye hagati ya Leta n’Abikorera bari mu bukerarugendo

Hakwiriye ubufatanye burushije uburiho mu nzego zose zaba ari iza Leta ndetse n’abikorera bari mu rwego rw’ubukerarugendo, kumva ibintu kimwe no gufashanya hagati yabo, gushishikariza abantu gushoramo imari cyane cyane ahantu hataramenyekana kandi hari ibyiza nyaburanga, gushyiraho ibikorwa bituma gukora ubukerarugendo byoroha kandi bigafasha Leta mu iterambere rirambye.

Hazwi ku izina ry’Amasangano kubera ha hurira uruzi rwa Nyabarongo n’umugezi wa Mukungwa. Ni ahantu habereye ijisho kubera ukuntu hatangaje.

Ni ahantu hahurira Intara y’uburengerazuba mu karere ka Ngororero na Nyabihu,  intara y’amajyepfo mu karere ka Muhanga n’intara y’amajyaruguru mu karere ka Gakenke

Ni ahantu hazwi mu mateka.  Ku Masangano hazwi nk’ahantu hafite amateka ku mibereho y’abanyarwanda ndetse n’ibikoresho bakoreshaga bagendeye ku bushakashatsi bwagiye bukorwa no ku bintu bahavanaga.

Ni ahantu hafite umwihariko mu bidukikije. Ahantu hahurira amazi ava mu bice byose by’igihugu, uburyo bugaragara ko imiterere  imeze kimwe n’iyo ha kurya no ha kuno y’iyo migezi muri izo ntara.

Harangwa n’ibitare n’imisozi iriho itsina kandi ni ahantu hakunda kuba inkwangu kubera ubutaka buba budakomeye.

Ni ahantu haba ishwagara, umucanga, ibumba byiza bifite umwimerere utandukanye n’ahandi.

Uruganda ndangamuco mu Rwanda rufasha mu iterambere ry’ igihugu cyane. Ni byiza kuzamura uru rwego bigafasha abarukoramo . Gutegura ibitaramo, amaserukiramuco, Impurika bikorwa, gukora ibintu byiza,  Gusangira ubumenyi, kongera ibihangano n’ibindi bizatuma abakora muri uru ruganda  binjiza kandi bakamenyekana.

1. Kongera igihe cyo gukora

Kugira umwanya wo gukora cyane kubera igihe cyatakaye mu gihe cya COVID19, nyuma yacyo ni ukongera ibikorwa, kubahiriza gahunda wafashe, kunoza ibyo ukora, kongera igihe cyo gukora ku buryo ukibyaza umusaruro.

2. Guhanga udushya

Iki ni igihe cyiza cyo gutekereza ku tuntu dushya mu mirimo ya buri wese uri mu ruganda ndangamuco. Kuzana agashya ni ibintu bizafasha kubona abakiriya cyangwa abayoboke mu byo ukora. Ni ugufata umwanya ugatuma, utekereza ikintu gitandukanye n’ibyo wari usanzwe ukora cyangwa ukongerera ubwiza, kongera ibintu bituma ukurura abantu.

3. Gutegura ibitaramo, Ibirori n’impurikabikorwa

Abari mu ruganda ndangamuco rw’abahanzi, abategura ibitaramo, mu gihe cya COVID-19 cyatumye ibintu bihuza abantu benshi bihagarara, ni byiza gutekereza ku bitaramo bifasha abantu kongera kwibuka ibihangano byawe.

Guhindura uburyo bwo gutegura igitaramo, si ngombwa gutekereza kuzuza inzu zagenewe ibirori, shaka ahantu hemewe, hariganiye ushobora kubona abakunzi, abakitabira baje babishaka. Gutegura igitaramo ,impurikabikorwa buri gihebwe, kabiri mu mwaka cyangwa gatatu, abahanzi bakishyira hamwe bakagira ibitaramo bihoraho abantu babamenyeraho, abakunzi bijyana zabo bakamenya ko bazajya baza muri ibyo bitaramo cyangwa abantu bakamenya impurikabikorwa bakwitabira.

4. Gukoresha ikoranabunga

Igihe cyo gukoresha ikoranabuhanga mu ruganda ndangamuco, haba mu gutegura ibitaramo, kumenyekanisha ibikorwa, kuganiriza abakunzi bawe, ni igihe gikwiriye cyo gutekereza ku ikoranabuhanga.

Haba mu kwishyura ibitaramo n’ibindi birori, abahanzi cyangwa abategura ibitaramo batekereze uko bajya bategura ibitaramo, bagafasha ababyitabira, gukorana n’ibigo byatangiye uwo murimo cyangwa n’abo bagakora ibyabo bibafasha.

Urugero: Gufata umuco wo kwishyura ukoresheje ikoranabuhanga, kwishyura  cyangwa gufata umwanya mbere y’igitaramo cyangwa ibirori byaba ari ibyo kwishyuza cyangwa ubuntu. Ku buryo bizafasha kumenya umubare w’abantu baje mu gitaramo, gutegura umwanya waho bibera n’ibindi byatuma akavuyo gacika kandi abantu bakabona serivisi nziza.

5. Kumenyekanisha ibikorwa byabo

Gufata umuco wo kumenyekanisha ibikorwa bakora, abantu bari mu ruganda ndangamuco bakwiriye gufata ingamba, gahunda,intego zo kumenyekanisha ibikorwa byabo. Kubimenyekanisha bizatuma ibikorwa bimenyekana, abahanzi bakamenyekana, uruganda rugatera imbere.

Buri wese atekereze nimba uburyo yakoreshaga buhagije cyangwa akongeraho kugirango ibikorwa bye bimenyekane, abashe gukurura abantu.

6. Gutegura ibiganiro n’Inama

Mu rwego rwo kuzamura urwego ndangamuco, ni  byiza kungurana ibitekerezo, guhura mu gasangira ubumenyi, ibibazo  biri mu ruganda ndangamuco bikaganirwa, bagashaka ibisubizo, bakazamurana, bizafasha kuruha umurongo ngenderwaho urambye.

Kujya mu mashyirahamwe (Association, Clubs,..) gukora ihuriro ry’abantu bari muri gahunda imwe cyangwa bakora ibikorwa bimwe, bizafasha kuzamurana no gufashanya.

Ni igihe cyo kwirinda kuba nyamwigendaho, ukamenyako hari benshi mukora ibikorwa bimwe ko ari byiza guhura mugasangira ubumenyi, umwe akigira k’uwundi.

7. Gukorana na Leta

Ni byiza ko abantu bakora mu ruganda ndangamuco bagira umurongo bagenderaho, bakagira amahuriro babamo, bakamenyekana aho bakorera n’inzego bakorana nazo n’ibindi. Ibyo byose bizafasha gukorana, kugaragaza uruhare rwabo mu iterambere ry’igihugu, kandi babe bamwe mu bakorana  bya hafi  na Leta.

Urugego: Nyuma y’iki cyorezo hazakenerwa kuzamura uru ruganda kuko ruri muzahuye n’igihombo muri iki gihe cya COVI19,  ni ngombwa ko Leta izafasha abantu bari muri uru ruganda kongera  gukora, kongera gusubira mu bikorwa byabo.

Guteza imbere abanyabukorikori, bizabafasha guhanga udushya no kwiteza imbere, gukora ibintu byinshi.

 

 

Gutembera biri ukwinshi kandi bifite akamaro kenshi mu buzima bw’ubukora, ni byiza kugira umuco wo gutembera ahantu hatandukanye.

Dore Impamvu 7 gutembera atari ukwishima gusa:

1. Kwiga

Buri gihe mu buzima , umuntu aba akwiye kwiga ikintu atarazi, ikintu abona ari cyiza cyane cyazamufasha . Gutembera bigufungura amaso kubera ibyo uba wabonye n’ibyo wumvise ku buryo uhitamo guhita kuzabyiga, ukabimenya.

Urugero:  Kwiga ururimi rw’ahantu ushaka kuzatembera cyangwa wavayo ugasanga ururimi rwabo ni rwiza, ugafata ingamba zo ku rwiga kugirango ujye urukoresha,uruvugana n’abandi. Ni ikintu gishya uba uhisemo kwiga.

 2. Kumenya

Kumenya ahantu utaruzi, ubuzima bw’abaho, ibintu utaruzi ko bibaho. Gutembera bifungura ubwenge bukanguka, ukagira umuco wo kumva abandi, kubaha iby’abandi, kwemera iby’abandi kabone ntubwo mwaba mutandukanye. Bituma ugira ubumenyi ku bintu bitandukanye.

Urugero: Kumenya imibyinire y’ahantu watembereye utari uzi uko bayibyina, bakakwigisha uko babikora,maze nawe ukaba umenye izo byino zaho.Ntubwo utaba umuhanga nk’abo,ariko bigufasha kuba wumva hari ikintu uzi mu muco wabo.

3. Guteza imbere ahantu watembereye

Guhaha ibintu byaho watembereye bifasha mu guteza mbere ababikora batuye aho hantu. Ugateza imbere imirimo yaho n’ibikorwa  byabo muri rusange. Uba ushyigikiye iterambere rirambye, ugafasha abantu baho gutera  imbere mu buzima bwabo,  inganda zaho zigatera imbere no guteza imbere ako gace muri rusange.

Urugero: Gutembera ahantu ugatera igiti ,uba ubungabunze ibidukikije byaho hantu bizafasha mu myaka iri mbere.

4. Guhanga udushya

Gutembera bifasha kunguka ibitekereso bishya ushobora gukora mu buzima bwawe bwa buri munsi. Kuba wagira ikintu gishya ushyira mubyo ukora, ikintu wakungura aho ukora, igitekerezo wasangiza abaturanyi bawe.

Urugero: Kujya mu nama ahantu ukabona ukuntu bategura inama,nawe ushobora kubyigiraho nawe ukaba wabisangiza abo mukorana igihe mwateguye inama.

5. Kwita ku mubiri wawe

Kwita ku mubiri wawe, guhindura ubuzima uba usazwe ukora, ubamo, kuzamuka imisozi bifasha mu rwego rwo kunanura imitsi, kunanuka , kuruhuka mu bwonko, gutuma amaraso atembera naze bigafasha umutima gukora neza.

6. Gusangira  ibitekerezo

Ni byiza kugira umuco wo kuganira n’abandi igihe watembereye bifasha mu kunguka ibitekerezo kandi nawe ukaba watanga igitekerezo cyangwa inama uha  abandi. Kuyoborwa n’abantu bakomoka aho watembereye, bifasha mu kumenya byinshi byaho kandi nawe ukabaganiriza ibyo wari uhazi cyangwa w’umvishe, bifasha kandi no kunguka inshuti mu buzima.

7. Kwihangira imirimo

Gutembera bifasha mu kugira ibitekerezo by’ibintu wakora ku giti cyawe bikaguteza imbere kandi ugaha n’abandi akazi. Bishobora kuba ari umuntu umwe cyangwa itsinda ry’abantu mu kishyira hamwe mu gashyira mu bikorwa igitekerezo.

Urugero: Gutembera ahantu ugasanga hari urubyiruko ruyobora ba mukerarugendo ahantu ndangamuco cyangwa ndangamateka mu gace kabo , nawe ushobora kuba wabitangiza iwanyu.

Gisa Desire ni umusore w’umunyarwanda wiga mu mashuri ya Kaminuza ibyerekeranye na Computer Engineering.

Gisa akina umupira w’amaguru, arawukunda cyane, mu Rwanda afana ikipe ya Rayon Sport mu mahanga afana Arsenal.

Dore ikiganiro yagiranye na Igicumbi.com

Ni hehe watembereye mu Rwanda

Natembereye muri Pariki y’Akagera.

Ni uwuhe muntu cyangwa ikintu mu mateka y’u Rwanda ukunda cyangwa uzirikana.

Mu mateka y’u Rwanda,nziirkana Jenoside yakorewe abatutsi muri Mata 1994. Umunsi wo kuyibuka ndabizirikana cyane bituma menya amateka yayo.

Ni hehe uheruka gutemberera cyangwa kugera mu Rwanda

Mperuka kugera mu karere ka Rwamagana.

Ni ayahe mafunguro ya Kinyarwanda ukunda?

Mu mafunguro ya Kinyarwanda nkunda ibijumba na kawunga

Ni ikihe kinyobwa cya Kinyarwanda ukunda?

Mu binyobwa bya Kinyarwanda nkunda amata.

Ni iki witwaza iyo utembereye cyangwa uri mu rugendo?

Iyo ntembereye nitwaza Ecouteur,amalunete n’ingofero.

Ni irihe torero ribyina Kinyarwanda ukunda?

Nkunda itorero  ry’Inganzo Ngari

Ni hehe mu Rwanda watembereye cyangwa wageze ukumva urahakunze

Ehhhh,nakunze muri Pariki ya Nyungwe ni ahantu heza kabisa.

Ujya mu ntara z’u Rwanda,ni ikihe kigo gitwara abagenzi ukunda?Kubera iki?

Nakunze Capital, itwara abagenzi neza,imodoka nziza,abagenzi bitabwaho.

Ni uwuhe muhanzi, umwanditsi, umunyabugeni w’umunyarwanda ukunda? N’igihangano cye ukunda?

Nkunda umuhanzi Byumvuhore.Nka kunda indirimbo ye Tuzabisiga

Uwaguhitishamo ahantu ho gutura mu Rwanda ,wahitamo hehe ? Kubera iki?

Nahitamo gutura ku mujyi uri ku mazi

Ni irihe serukiramuco ukunda mu Rwanda?

Nkunda iserukiramuco ryama Filimi

Ni ikihe gihugu cya Afurika wifuza kuba watemberamo? Kubera iki?

Nifuza gutembera muri Côte d’ivoire. Kubera haba ibintu biranga amateka cyane n’inyamaswa nyinshi.

Ni hehe hafite amateka mu Rwanda wifuza kugera?

Nifuza kugera ahantu habaye umwami.

Ni hehe uteganya gutembera muri uyu mwaka wa 2020?

Ndateganya kuzatembera I Rubavu.

Murakoze cyane Gisa

Murakoze namwe!

Kuva tariki ya 7 Mata-26 Gicurasi 2020, umurage Wacu Group wifatanya n’abatuye isi mu kwizihiza iminsi idasazwe yashyizweho m rwego rwo; kwibuka ibintu byabayeho, kuzirikana imirage,  guteza imbere imibereho, umuco, kuzirikana ku bidukikije n’ibindi.

Muri iyo minsi hakoreshejwe amafoto mu kuzirikana ibintu 10  bitandukanye bikangurira abantu kuzirikana uwo munsi.

Tariki ya 7 Mata. Buri mwaka hibukwa Jenoside yakorewe abatutsi muri Mata 1994.

Tariki ya 15 Mata. Buri mwaka hizihizwa World Arts Day

Tariki ya 18 Mata. Buri mwaka hizwihizwa World Heritage Day (Sites and Monuments)

Tariki ya 23 Mata . Buri mwaka hizwihizwa  World Book Day.

Tariki ya 30 Mata. Buri mwaka hizwihizwa International Jazz Day

Tariki ya 5 Gicurasi. Buri mwaka hizihizwa African World Heritage Day

Tariki ya 18 Gicurasi. Buri mwaka hizihizwa International Museum Day

Tariki ya 21 Gicurasi. Buri mwaka hizihizwa World Day for culture Diversity for  Dialogue and  Development.

Tariki ya 22 Gicurasi. Buri mwaka hizihizwa Biodiveristy Day

Tariki ya 25 Gicurasi. Buri mwaka hizihizwa Africa Day.

Kanda hano urebe amafoto: https://www.flickr.com/photos/141807562@N05/albums/72157714496854376

 

 

U Rwanda ni igihugu gifite imirage kamere y’ibidukikije,  ibyanya bya komwe, bibugabuzwe ,bimwe muri byo bifatwa nka pariki z’igihugu. Ni ibyanya biri ahantu hatandukanye mu gihugu ku buryo bibyazwa umusaruro mu rwego rw’ubukerarugendo no kubungabunga ibidukikije.

Ibyo byanya bifite akamaro kanini mu Rwanda no muri Afurika mu kurinda urusobe rw’ibinyabuzima bibamo ari inyamaswa n’ibimera.

Dore pariki nkuru z’u Rwanda

Pariki y’ibirunga y’u RWANDA

Pariki y’Ibirunga iherereye mu majyaruguru y’u Rwanda, ifite ubuso bwa Km2 160. Ni ishyamba rya cyimeza , rigwamo imvura nyinshi, ririmo ibirunga 5  (Muhabura, Karisimbi, Sabyinyo, Gahinga na Bisoke) mu ruhererekane rw’ibirunga umunani bihari.

Iyi Pariki ihana imbibi n’izindi pariki zo mu bihugu by’abaturanyi, arizo Virunga National Park yo muri Republika Demokarasi ya Congo na Mgahinga Gorilla National Park yo muri Uganda.

Pariki y’ibirunga igizwe n’ibimera n’inyamaswa, mu bimera habonekamo ibiti byinshi harimo imigano n’ibindi byinshi bya cyimeza, mu nyamaswa hazwi kuba ari iwabo w’ingagi n’inkende.

Pariki yemewe nka pariki y’igihugu mu mwaka 1925, yari Pariki ya mbere ihanzwe muri Afurika mu mwaka wa 1929 aho yari ikikijwe na Albert National Park yo muri Congo Belge.Hagiye habaho kuyigabanya kubera  ibikorwa by’abaturage bayikikije ndetse no gutera amashyamba,kuyizitira nibindi byatumaga ibugwabugwa.

Mu 1967, umunyamerika Dian Fossey yaje gukora ubushakashatsi ku ngagi, aha shiga ihema, ashinga ikigo cya Karisimbi and Bisoke Research Center. Yishwe mu mwaka wa 1985 iwe mu rugo, ubu imva ye iri mu Birunga hafi y’ikigo yashinze.

Mu mwaka 1992, pariki yabayemo umutekano muke kubera ibihe by’intambara igihugu cyarimo, ibiro byayo biraterwa ,Ibikorwa byabaga muri pariki birahagara. Yongeye kwakira abayisura kuva mu 1999.

Pariki y’ibirunga ikorerwamo ibikorwa by’ubukerarugendo birimo gusura ingagi, kuzamuka ibirunga, kureba ibiyaga, gusura imva ya Dian Fossey n’Ikigo uyashinze, kureba izindi nyamaswa zibamo harimo imbogo, imvubu,inyoni n’ibindi.

Pariki y’Akagera

Pariki y’akagera ni pariki iherereye mu burengerazuba bw’u Rwanda ,ifite ubuso bwa Km2 1,222 iri hafi y’igihugu cya Tanzania n’uruzi rwa Akagera.

Pariki y’Akagera igizwe n’ishyamba rifunguye,ririmo ibiti by’iminyinya ,imisozi iriganiye,ibiyaga nka Ihema n’ibindi bito bitandukanye,inyamaswa zikaze.

Yemejwe nka Pariki mu 1934,yashinzwe n’ababirigi,yari ifite ubuso bwa Km2 2500,izwi ku rusobe rw’ibidukikije bibamo. Yari izwi mu kuba pariki ifite imbwa zizwi nka African Wild Dogs, na  Parc aux Lycaon   gusa zageze aho ziragabanuka kubera icyorezo, izanyuma zagaragaraga mu 1984.

Mu mwaka wa 1957,bazanyemo Inkura z’umukara zivuye muri Tanzania,kuburyo mu mwaka w’1970 zari zimaze kuba 50. Kubera barushimusi zagiye zigabanuka ku buryo iya nyuma yagaragaye mu mwaka 2007.

Mu mwaka 1986, bayishyizemo Massai Girage zivuye muri Kenya, umubare wazo wariyongeye ugera kuri 80.Mu mwaka w’ 1990,Pariki yari ifite intare zigera kuri 250-300.

Mu mwaka wa 2009, u Rwanda binyuze muri Rwanda Development Board basinye amasezerano na  African Parks Network y’imyaka 20 ashobora kogerwa.Howard Buffett Foundation yateye inkunga mu kurinda pariki no kugarura inyamawa, amahugurwa ku barinda pariki,gushyiraho uruzitio n’ibindi.

Mu mwaka wa 2015, Pariki yakiriye intare 7 zivuye muri Afurika y’Epfo zigizwe n’ingore 5 n ‘ingabo 2. Mu kwezi kwa Gicurasi  2017, u Rwanda ku bufatanye na African Parks, pariki yasubijwemo inkura z’umukara zigera kuri 20 zivuye muri Afurika y’epfo.Byatumye pariki yongera kugira inyamaswa zikomeye mu ishyamba zizwi.

Mu kwezi kwa Kamena 2019, izindi nkura 5 (Ingabo 2 n’ingore 3)  zavuye muri Zoo eshatu z iburayi, Dyur kralove Zoo mu gihugu cya Czech, Flamigo Land mu gihugu cy’ubwogereza na Ree Park Safari mu  gihugu cya Danemark,zakoze urugendo rw’amasaha 30..Ni ubwa mbere bibayeho umubano nkuyu hagati ya Afurika n’uburayi

Muri pariki ya Akagera wabasha gukora urugendo mu mudoka mu rugendo rwitwa Game Driving ukabasha kwinjirira mu majyepfo ugasohokera mu majyaruguru ya Pariki.Ubasha kureba inyamaswa z’inkazi mu ishyamba bita  Big5 arizo; Intare, inkura,ingwe, Imbogo n’inzovu.Gusura ibiyaga, kureba inyamaswa ziba mu mazi,ibiti bike,ubutaka butangaje.

Pariki ya Nyungwe

Pariki ya nyungwe iherereye mu majyepfo y’u Rwanda, ifite ubuso bujya kungana na km2 970, ihana imbibi na Kibira National Park mu gihugu cyu Burundi.Ni Pariki igwamo imvura nyinshi muri Afurika yo hagati.

Pariki igabanya amazi y’inzuzi (Nile na Congo ), inzuzi ndende kandi nini muri Afurika .Izwi kuba ariyo soko y’amazi y’uruzi rwa Nili.

Pariki ya Nyungwe yabaye Pariki y’igihugu mu 2004, ibamo ibiti bya cyimeza byinshi bigera ku 1068, inyamaswa zitandukanye zirimo amoko y’ inyoni agera kuri 275 n’amoko y’inkende atandukanye , inyamabere, izigenda ku butaka n’izindi.

Pariki ya Nyungwe ikorerwamo ibikorwa by’ubukerarugendo bitandukanye; kugenda ku kiraro cya Canopy Walk, kureba inkende, inyoni, gusura waterfalls. Ni pariki iri hafi y’umusozi wa Bigugu.

Pariki ya Gishwati –Mukura

Pariki nshya mu Rwanda! Icyanya cy’ishyamba rya Gishwati na Mukura  ifite ubuso bwa Km2 34, harimo ubuso bwa Ha 1570 zo mu cyanya cya Gishwati na Ha 1988 zo mu cyanya cya Mukura. Ni pariki iherereye mu ruhererekane rw’imisozi y’isunzu rya Congo-Nili mu burengerazuba bw’u Rwanda igakora ku turere twa Ngororero na Rutsiro.

Ni ishyamba ryatangiye kubungwabugwa kuva mu mwaka wa 1970-1990, mu mwaka wa 1980, ishyamba ryaragabanutse kubera abaturage bagendaga barikoreramo ibikorwa bitandukanye ku buryo ryavuye kuri Ha 250 000 rikagera kuri Ha 28 000,mukura yari Ha 30 000 igera kuri 15 000. Na nyuma ya Jenoside yakorewe abatutsi byagaragaye ko ryakomejwe kuvugerwa  n’ibikorwa by’abaturage bagiye baritema, maze rihinduka ishyamba risanzwe,abandi bacukura amabuye maze rirangirika cyane.

Mu mwaka wa 2015, nibwo Pariki y’igihugu ya Gishwati-Mukura yemejwe n’itegeko, kuva icyo gihe Leta nabafatanyabikrowa batangira kugarura ishyamba no kuritunganya ngo rihinduke Pariki y’igihugu.

Habaye ibkorwa byo kurisubiranya mu mpande zose, ari ku ruhande rwa Gishwati no ku ruhande rwa Mukura. Bateye amashyamba kandi basubiranya ahacukuwe amabuye, kwimura abaturage kugirango ryaguke kandi bataguma mu mbago zaryo.

Muri Gashyantare 2016, nibwo ishyamba rya kimeza rya Gishwati-Mukura ryemejwe nka Pariki y’igihugu ya Kane , rigamijwe ku zunganira ubukerarugendo bw’u Rwanda no kubungabunga ibidukikije.

Tariki ya 1 Ukwakira 2019, nibwo Minisiteri y’ibidukikije yashyikirije  iyi Pariki  ikigo cya RDB mu rwego rwo kuyibyaza umusaruro mu rwego rw’ubukerarugendo. Ni pariki yihariye mu kuba yarahanzwe hagendewe mu kubungabunga ibidukikije.

Pariki ya Gishwati-Mukura rigizwe n’ishyamba ririmo amoko menshi y’ibiti bya cyimeza, inyamaswa zirimo ; inguge, Inkima, inyoni,  inkende n’impundu .Niho haturuka isoko y’umugezi wa Sebeya ndetse habamo n’amasumo y’amazi amanuka ku misozi.

Ni pariki iteganyijwe guteza imbere ubukerarugendo bwibanda ku bidukikije (Eco Tourism) nkuko byemezwa n’abashinzwe kuririnda no gukoreramo ibikorwa by’ubukerarugendo.

 

Mu rwego rwo kwizihiza umunsi mpuzamahanga w’ururimi rw’igifaransa wizihizwa tariki ya 20 Werurwe buri mwaka.

Ukwezi kose kwa Werurwe twahisemo Amafoto y’imirage, ubukerarugendo,umuco, ibyiza nyaburanga byo mu bihugu bitatu bigize umuryango w’ibihugu byo mu karere k' Ibiyaga Bigari bya Afurika, aribyo u Rwanda, Burundi, RDC.

Kanda hano urebe:  https://www.flickr.com/photos/141807562@N05/albums/72157713775532983

Rwanda ni igihugu gifite ibyiza nyaburanga byinshi mu mpande zose z’igihugu.Hakaba ahantu hazwi cyane haba ubukerarugendo kubera imiterere yahoo,ibyiza kamere byaho, ibyishimo bihaba,amafunguro ahaba, ibikorwa byinshi bikurura abakerarugendo.

Imijyi y’ubukerarugendo mu Rwanda iherereye cyane mu ntara y’Uburengerazuba ku nkengero z’ikiyaga cya Kivu, mu ntara y’amajyaruguru hafi y’ibirunga.

1. Umujyi wa Rubavu

Umujyi ukurura abantu benshi cyane kubera uherereye ku nkengero z’ikiyaga cya Kivu, ugahana imbibi n’umujyi wa Goma muri RDC.Bituma yitwa Imijyi y’Impanga mu karere k’ibiyaga bigari!. Ni umujyi ufite umupaka wa mbere unyurwaho n’abantu benshi mu Rwanda ari abakora ubucuruzi, abatemberera muri ibi bihugu byombi no mu Karere.

Ni umujyi ufite amahirwe menshi mu bikorwa by’ubukerarugendo kubera ukora ku kindi gihugu ndetse n’ibyiza nyaburanga byinshi bigiye biba hafi yawo nk’ingoro ya Mgr Bigirumwami Aloys, kuzamuka imisozi nka Rubavu, Rubona… kuroba isambaza, kugenda n’igare ku nkengero z’ikiyaga ndetse n’ibikorwa by’imikino, Kayaking, Koga, kwicara ku mucanga, gusura inganda z’icyayi, gusura Pariki ya Gishwati irimo inyamaswa zitandukanye n’ibiti.

Umujyi wa Rubavu wa wutangiriramo urugendo rwa Congo-Nile Trail, urugendo ugenda uzenguruka ku nkengero z’ikiyaga cya Kivu, ukaba wagera I Karongi, ushobora ku rugenda n’amaguru, igare, moto cyangwa imodoka.

2. Umujyi wa Musanze

Umujyi uri mu majyaruguru y’u Rwanda ku birenge by’ibirunga, ni umujyi ukurura abantu benshi kubera ikirere cyaho cyiza, isaha n’isaha imvura ishobora kugwa! Uri hafi y’umupaka w’u Rwanda na Uganda ku Cyanika, hakaba habera ubucuruzi cyane. Ni umujyi uri mu gace kabamo ibikorwa by’ubuhinzi cyane cyane ibirayi n’imboga. Ni umujyi uberamo inama, amahugurwa n’ibindi byinshi. Ukanyurwamo n’abagana mu yindi mijyi nka Rubavu, Muhanga, Rusizi na Goma (RDC).

Ni umujyi ufite ibikorwa by’ubukerarugendo nko gusura ibiyaga by’impanga (Burera na Ruhondo) biri hafi yawo , kuzamuka ibirunga no kureba ingagi, gusura amashyamba afite amateka menshi, gusura ubuvumo, kugenda mu mugezi wa Mukungwa (Canoeking), ibikorwa ndangamuco byihariye nk’imbyino zaho ndetse n’ibindi byinshi biri mu nkengero zawo.

Ku muhanda Kigali-Musanze ushobora kereba umusozi muremure mu Rwanda, umusozi wa Kabuye.

3. Umujyi wa Rusizi

Umujyi uherereye mu burengerazuba bw'u Rwanda mu karere ka Rusizi, ugahana imbibi n'umujyi wa Bukavu mu gihugu cya Repubulika iharanira Demokarasi ya Congo(RDC).Nayo ituma iba Impingi y’Impanga mu karere k’ibiyaga bigari.

 Ni umujyi ukora ku kiyaga cya Kivu, hakaba ahantu haba ubucuruzi hagati y'ibihugu bitatu aribyo Rwanda, Burundi na RDC, umugezi ugabanya ibi bihugu usohoka mu Kivu ariwo Rusizi.Ikibaya cya Bugarama,ari ho hantu hafite ubutumburuke bwo hasi mu gihugu,hari igishanga bahingamo umuceri, ikibaya kiri mu ndiba y’imisozi, kinyuramo imigezi, inagabanya ibihugu, hakaba ariho hahurira ibihugu ibyo bihugu bitatu.

Ibikorwa by'ubukerarugendo; kujya gusura ku kirwa cyo ku Nkombo, gusura ahantu umwami Musinga yaratuye, gusura imirima y'icyayi, gutembera muri Pariki ya Nyungwe, gutembera mu kiyaga cya Kivu, kujya ku Mashyuza, koga, kugenda mu bwato,..... Ni ahantu haba imbyino n'imivugire zihariye kubera uruhurirane rw'abo bantu bahagenda ndetse n'amafunguro yihariye.

Kubera ikirere cyaho n'ubutaka bwaho kubera kwegera hafi ya Nyungwe, haba ubuhinzi bw'icyayi, ikawa, amatunda, inanasi ,imyembe n'ibikorwa by’uburobyi cyane.

4. Umujyi wa Karongi

Umujyi utuje! Ni umujyi uherereye mu ntara y’uburengerazuba bw’u Rwanda ku nkengero z’ikiyaga cya Kivu. Umujyi wo gutembereramo igihe umuntu ashaka ahantu hatuje,hataba urusaku n’akavuyo. Hoteli zigiye ziri ku nkombe z’ikiyaga ku misozi iriho ibiti bitandukanye.

Ikiyaga cya Kivu gifite uturwa twinshi cyane turiho inyamaswa zitandukanye cyane cyane inyoni, ibiti n’indabyo byiza cyane.Muri Karongi kandi wabasha gusura inganda z’icyayi n’ikawa, gukora uburobyi.

Umujyi wa Karongi wa wutangiriramo urugendo rwa Congo-Nile Trail, urugendo ugenda uzenguruka ku nkengero z’ikiyaga cya Kivu, ukaba wagera I Rubavu,ushobora ku rugenda n’amaguru, igare, moto cyangwa imodoka.

Umuhanda Kigali-Karongi wasura urutare rwa Ndaba ruri ku muhanda rufite amateka ya Ndaba!

 

Page 1 of 32

Igiseke

culture-in-rwanda

Kwamamaza

Umurage Wacu 3lOGO UMURAGECqAJqoFW8AAF6RY.jpg large

Facebook

Inkuru zose

© 2016  Umurage Wacu  Group 

Tel:+250 783541018 /728541018

Email:umuragewacugroup@gmail.com

Address:Kigali-Rwanda

Design by FRI SOFT Ltd