Mu rwego rwo kwizihiza umunsi mpuzamahanga w’ururimi rw’igifaransa wizihizwa tariki ya 20 Werurwe buri mwaka.

Ukwezi kose kwa Werurwe twahisemo Amafoto y’imirage, ubukerarugendo,umuco, ibyiza nyaburanga byo mu bihugu bitatu bigize umuryango w’ibihugu byo mu karere k' Ibiyaga Bigari bya Afurika, aribyo u Rwanda, Burundi, RDC.

Kanda hano urebe:  https://www.flickr.com/photos/141807562@N05/albums/72157713775532983

Rwanda ni igihugu gifite ibyiza nyaburanga byinshi mu mpande zose z’igihugu.Hakaba ahantu hazwi cyane haba ubukerarugendo kubera imiterere yahoo,ibyiza kamere byaho, ibyishimo bihaba,amafunguro ahaba, ibikorwa byinshi bikurura abakerarugendo.

Imijyi y’ubukerarugendo mu Rwanda iherereye cyane mu ntara y’Uburengerazuba ku nkengero z’ikiyaga cya Kivu, mu ntara y’amajyaruguru hafi y’ibirunga.

1. Umujyi wa Rubavu

Umujyi ukurura abantu benshi cyane kubera uherereye ku nkengero z’ikiyaga cya Kivu, ugahana imbibi n’umujyi wa Goma muri RDC.Bituma yitwa Imijyi y’Impanga mu karere k’ibiyaga bigari!. Ni umujyi ufite umupaka wa mbere unyurwaho n’abantu benshi mu Rwanda ari abakora ubucuruzi, abatemberera muri ibi bihugu byombi no mu Karere.

Ni umujyi ufite amahirwe menshi mu bikorwa by’ubukerarugendo kubera ukora ku kindi gihugu ndetse n’ibyiza nyaburanga byinshi bigiye biba hafi yawo nk’ingoro ya Mgr Bigirumwami Aloys, kuzamuka imisozi nka Rubavu, Rubona… kuroba isambaza, kugenda n’igare ku nkengero z’ikiyaga ndetse n’ibikorwa by’imikino, Kayaking, Koga, kwicara ku mucanga, gusura inganda z’icyayi, gusura Pariki ya Gishwati irimo inyamaswa zitandukanye n’ibiti.

Umujyi wa Rubavu wa wutangiriramo urugendo rwa Congo-Nile Trail, urugendo ugenda uzenguruka ku nkengero z’ikiyaga cya Kivu, ukaba wagera I Karongi, ushobora ku rugenda n’amaguru, igare, moto cyangwa imodoka.

2. Umujyi wa Musanze

Umujyi uri mu majyaruguru y’u Rwanda ku birenge by’ibirunga, ni umujyi ukurura abantu benshi kubera ikirere cyaho cyiza, isaha n’isaha imvura ishobora kugwa! Uri hafi y’umupaka w’u Rwanda na Uganda ku Cyanika, hakaba habera ubucuruzi cyane. Ni umujyi uri mu gace kabamo ibikorwa by’ubuhinzi cyane cyane ibirayi n’imboga. Ni umujyi uberamo inama, amahugurwa n’ibindi byinshi. Ukanyurwamo n’abagana mu yindi mijyi nka Rubavu, Muhanga, Rusizi na Goma (RDC).

Ni umujyi ufite ibikorwa by’ubukerarugendo nko gusura ibiyaga by’impanga (Burera na Ruhondo) biri hafi yawo , kuzamuka ibirunga no kureba ingagi, gusura amashyamba afite amateka menshi, gusura ubuvumo, kugenda mu mugezi wa Mukungwa (Canoeking), ibikorwa ndangamuco byihariye nk’imbyino zaho ndetse n’ibindi byinshi biri mu nkengero zawo.

Ku muhanda Kigali-Musanze ushobora kereba umusozi muremure mu Rwanda, umusozi wa Kabuye.

3. Umujyi wa Rusizi

Umujyi uherereye mu burengerazuba bw'u Rwanda mu karere ka Rusizi, ugahana imbibi n'umujyi wa Bukavu mu gihugu cya Repubulika iharanira Demokarasi ya Congo(RDC).Nayo ituma iba Impingi y’Impanga mu karere k’ibiyaga bigari.

 Ni umujyi ukora ku kiyaga cya Kivu, hakaba ahantu haba ubucuruzi hagati y'ibihugu bitatu aribyo Rwanda, Burundi na RDC, umugezi ugabanya ibi bihugu usohoka mu Kivu ariwo Rusizi.Ikibaya cya Bugarama,ari ho hantu hafite ubutumburuke bwo hasi mu gihugu,hari igishanga bahingamo umuceri, ikibaya kiri mu ndiba y’imisozi, kinyuramo imigezi, inagabanya ibihugu, hakaba ariho hahurira ibihugu ibyo bihugu bitatu.

Ibikorwa by'ubukerarugendo; kujya gusura ku kirwa cyo ku Nkombo, gusura ahantu umwami Musinga yaratuye, gusura imirima y'icyayi, gutembera muri Pariki ya Nyungwe, gutembera mu kiyaga cya Kivu, kujya ku Mashyuza, koga, kugenda mu bwato,..... Ni ahantu haba imbyino n'imivugire zihariye kubera uruhurirane rw'abo bantu bahagenda ndetse n'amafunguro yihariye.

Kubera ikirere cyaho n'ubutaka bwaho kubera kwegera hafi ya Nyungwe, haba ubuhinzi bw'icyayi, ikawa, amatunda, inanasi ,imyembe n'ibikorwa by’uburobyi cyane.

4. Umujyi wa Karongi

Umujyi utuje! Ni umujyi uherereye mu ntara y’uburengerazuba bw’u Rwanda ku nkengero z’ikiyaga cya Kivu. Umujyi wo gutembereramo igihe umuntu ashaka ahantu hatuje,hataba urusaku n’akavuyo. Hoteli zigiye ziri ku nkombe z’ikiyaga ku misozi iriho ibiti bitandukanye.

Ikiyaga cya Kivu gifite uturwa twinshi cyane turiho inyamaswa zitandukanye cyane cyane inyoni, ibiti n’indabyo byiza cyane.Muri Karongi kandi wabasha gusura inganda z’icyayi n’ikawa, gukora uburobyi, kureba uruhererekane rw'imisozi yenda gukora ku ijuru, kureba ihindagurika ry'ibicu (ikibunda) n'ibindi.

Umujyi wa Karongi wa wutangiriramo urugendo rwa Congo-Nile Trail, urugendo ugenda uzenguruka ku nkengero z’ikiyaga cya Kivu, ukaba wagera I Rubavu,ushobora ku rugenda n’amaguru, igare, moto cyangwa imodoka.

Umuhanda Kigali-Karongi wasura urutare rwa Ndaba ruri ku muhanda rufite amateka ya Ndaba!

Twakogeraho n'Umujyi wa Kigali, umurwa mukuru w'igihugu nawo wakira abakerarugendo batandukanye kubera ibyiza byinshi bihari.

 

Emmanuel N’Djoke Dibango ni umuhanzi,umwanditsi w’indirimbo ukomoka muri Cameroun. Emmanuel  yaririmbaga mu jyana ya Jazz, umuhanga mu gucuranga Saxophone na Vibraphone.Yateje imbere ijyana gakondo yo muri cameroun.

Yavukiye mu muryango ufite imico itandukanye ariko byatumye yose agerageza kuyimenya,gusa yamenye cyane uwa ba Douala,umuryango we wari utuye hafi y’uruzi rwa Wouri.  Yajyaga gusenga mu masengesho ya nijoro mu rusengero rw’abaporoso,ari naho yatangiye kwiga ibya muzika

Dore ibintu wamenya kuri Dibango

1. Emmanuel N’Djoke Dibango yavutse tariki ya 12 Ukuboza 1933

2. Emmanuel N’Djoke Dibango yavukiye I Douala muri  Cameroun

3. Papa we yavaga mu bwoko bw’aba Yabassi

4. Mama we yavaga mu bwoko bw’aba Duala, akaba yarakoraga ubudozi.

5. Yize mu ishuri ry’Abafaransa, ari naryo ryasusurukije ibirori byo kwakira Perezida Charles de Gaulle w’Ubufaransa wasuye Cameroun mu 1944.

6. Emmanuel N’Djoke Dibango yarazwi ku mazina y’ubuhanzi nka Dibango Papa Groove cyangwa Papa Manu

7.  Dibango yaririmbaga mu jyana ya Makossa, African Rumba, AfroFunk, Afrobeat,Jazz na Gakondo.

8. Tariki ya 20 Werurwe 2014, Dibango yaririmbiye mu Muryango w’ubumwe n’ubwiyunge I New York ku munsi mukuru w’ururimi rw’igifaransa.

9. Dibango yasohoye Alubumu ya mmbere mu 1968

10. Dibando yasohoye Alubumu ya nyuma 2013

11.. Dibango yasohoye Alubumu zigera kuri 73

12. Dibango yakoranye n’abahanzi batandukanye hari mo nka T Bone Walker.Fela Kuti, Bernie Worrell n’abadi benshi.

13. Mu mwaka wa 2004, Dibango yabaye umuhanzi w’Amahoro wa Unesco.

14. Dibango yitabiriye amaserukiramuco akomeye, harimo nka Brecon Jazz festival mu 2009

15. Muri Nyakanga 2014, yizihije isabukuru ye y’imyaka 80 mu birori byabereye Olympia mu Bufaransa byateguwe na TV5Monde.

16. Tariki ya 8 Nzeri 2015,Michaelle Jean wari S.G wa OIF yagize Dibango yahawe ubushobozi nka Grand Témoin de la Francophonie muri Jeux Olympiques et Paralympiques de Rio mu 2016.

17. Dibango yamazee imyaka 59 (1961-2020) mu mwuga w’ubuhanzi.

18. Dibango yitabye imana tariki ya 24 werurwe 2020

19. Dibango yahitanywe n’icyorezo cya Coronavirus (Covid19)

20. Dibango yapfiriye mu gihugu cy’ubufaransa

21.  Dibango yitabye Imana afite imyaka 86

 

Mory Kanté ni umunyaguineya,wamenyekany nk’umuhanzi mu kumenyekanisha umuziki w’injyana ya Kinyafurika ku rwego mpuzamahanga.

Mory Kanté yari umuhanzi kandi akandika n’indirimbo.

Dore ibintu wamenya kuri Mory

1. Mory Kanté yavutse tariki 29 Werurwe 1950

2. Mory Kanté yavukiye mu gihugucya Guinée.

3. Ababeyi be, Papa we yari Eid Hadji Djeli Fode na Mama we Fatouma Kamissoko wari umuhanzi nawe.

4. Mory  Kante yakomokaga mu muryango w’ubwoko bwaba Griot bacuranga, yari afite inkomoko kuba nyemali  n’abanyaguine.

5. Ku myaka irindwi yoherejwe muri Mali,aho yize gucuranga Kora.

6. Mu mwaka wa 1971, Kante yabaye umwe mu bagize itsinda Rail Band ari hamwe na Salif Keita. Nyuma mu 1973, Keita yavuye mu itsinda, maze Kante asigara wenyine.

7. Kanté yari umusiramu, byamufashije gucuranga indirimbo za kisiramu.

8. Tariki ya 16 Ukwakira 2001, Mory yabaye Ambasaderi wa FAO nka Goodwill Ambassador.Muri uwo mwaka yitabiriye ibirori bya FAO I Rome ku kicaro gikuru.

9. Mory yakoranye indirimbo na Tiken Jah Fakoly, Amadou & Mariam n’umuraperi Didier Awadi. Ni indirimbo yo ku rwanya icyorezo cya Ebola (Africa Stop Ebola)

10. Mory yasohoye Alubumu13

11. Mory yamenyekanye mu ndirimb Yé ké Yé ké

12. Mory yamaze imyaka igera kuri 49 mu muziki (1971-2020)

13. Mory yapfuye 22 Gicurasi 2020

14. Mory yapfuye afite imyaka 70.

15. Mory  Kanté yashyinguwe tariki ya 27 Gicurasi 2020

 

 Hamid Cheriet ni umuhanzi w’umunyaligeriya, wamenyekanye mu ndirimbo z’ijyana yiranga umuco wa  Kabyle n’ababeriberi. Ni umuhanzi, umwanditsi, utunganya indirimbo, yari afite ubuhanga bwo gucuranga gitari.

Dore ibintu wamenya kuri Hamid

1. Hamid Cheriet yavutse mu mwaka wa 25 Ukwakira 1949

2. Hamid Cheriet yavukiye I  Beni Yenni mu Ntara ya Tizi Ouzou mu gihugu cya Algeria

3. Hamid Cheriet yafashe izina ry’ubuhanzi rya Idir cyangwa Yidir

4. Indirimbo ze zamenyekanye cyane harimo A Vava Inouva

5. Indirimbo ze zatangiye kumenyekana mu myaka ya za 1970

6. Idir yabaye ambasaderi w’umuco wa Kabyle na Berbère

7. Idir yaririmbaga mu jyana ya Pop, Fusion, Ijyana Gakondo ya Kabyle.

8. Idir yagiye mu Bufaransa mu 1975

9. Idiri yasohoye Alubumu 9

10. Idir yasohoye Alubumu ya mbere mu 1976

11. Idir yasohoye Alubumu ya nyuma mu 2017

12. Idir yamaze igihe kigera ku myaka 44 (1976-2020)  mu mwuga w’ubuhanzi.

13.. Idir yitabye Imana tariki ya 2 Gicurasi 2020

14. Idir yapfiriye mu gihugu cy’ubufaransa

15. Idir yapfuye afite imyaka 70.

Rwanda ni igihugu gifite ibintu byinshi ndangamurage byerekeranye n’amateka, umuco hirya no hino mu gihugu.

Bituma hari ahantu hihariye kubera amateka haba hazwiho ko ari ku gicumbi cy’umuco n’amateka by’u Rwanda n’abanyarwanda muri rusange.

Umuyoboro w’umurage, ni igice cyerekeza amajyepfo y’u Rwanda, uwo muyoboro wa Muhanga-Ruhango-Nyanza-Huye, aho hazwi kubaho habitse amateka n’ibintu ndangamuco byinshi.

1. Umujyi wa Muhanga

Umujyi uri hagati no hagati mu gihugu, umujyi ushobora kunyuramo ukagera aho ushaka hose mu Rwanda. Ni umujyi uri hafi ya Kigali mu rugendo rw’iminota mirongo itatu.

 Umujyi urimo amashuri menshi, ahantu ndangamateka ; ahantu hakomoka Perezida wa mbere w’u Rwanda (Gregoire Kayibanda), I Shyogwe hazwi kuba ariho havugwa iby’intambara yo ku Runshushu, Kiliziya y’I Kabgayi ,Amashuri y’abihaye Imana akomeye mu Rwanda.

Ni ahantu ndangamateka na ndangamuco nka hantu hazwi ko bazi kuboha imisambi/ibirago, ibyibo,inkoko n’uduseke, bimwe mu bikoresho byaraganga abanyrwanda ba kera. Haba n’igiturage cyiza cyo gutemberamo,ukarya ku mafunguro gakondo yaho.

Ni umujyi unyuramo ujya muy’indi mijyi nka Karongi, Nyanza, Huye.

2.Umujyi wa Ruhango

Umujyi ukorerwamo ingendo nyobokamana, zo kujya gusengera mu kibaya cy’Amahoro kwa Yezu Nyirimpuhwe. Ni ahantu hahuza abantu baturutse impande zose baje gusenga, gushimira, gusaba,

Ni akarere muri rusange gafite ahantu henshi hazwi mu mateka; ku Intango ya Rwabugiri, Amasenga y’impyisi, Igisoro cya Ruganzu, imana y’irarire, Urutare rwa kamegeri n’ahandi henshi cyane.

Ni umujyi uri mu gice gikorerwamo ubworozi.bituma haba amata meza, inyubako zisakaje amategura, imirima y’ubuhinzi n’ibindi.

3. Umujyi wa Nyanza

Umujyi utatswe imitako gakondo (Imigogo); (hagaragara Amababa y’Intashya,  umuhigo, Umwashi, Igitoki, Amanyamanza, Ishombe,Umugongo w’Inzovu,…). Ni umujyi uzwi kuba ukurura ba mukerarugendo kubera ibyiza ndangamateka na ndangamuco bihabarizwa.

Umurwa w’Abami b’u Rwanda kuva mu 1899 ,Nyanza, ni ahantu hazwi cyane mu mateka y’u Rwanda. Umujyi urimo ingoro ndangamurage y’umwami, Umusezero w’Abami, Ibigabiro, Inzira gakondo z’ubukerarugendo.

Hari  amazu ya mbere ya kijyambere yubatswe n’abazungu, amashuri y’abihaye Imana, ahantu hagaragara Inka z’inyambo, ibikuyu binini, hazwi kuba haba amata aryoha cyane.

Umujyi wubatse mu murenge wa Busasamana

4. Umujyi wa Huye

Umujyi watangiye mu 1917,utagizwa n’Umudage Defane,watangiriye ahazwi nko kwi Rango ugenda ku misozi ya Kabutare,Ruhande ,Mamba na Buye yaje Kwitwa ASTRIDA (Izina ryari iry’umwamikazi w’ububiligi).

Astrida yabaye umurwa wa teritware Ruanda-Urundi. Hazwi kuba harabaye uduce dutuwe n’abazungu n’uduce tw’abirabura.

Umujyi w’inititi z’u Rwanda! uri mu majyepfo y’u Rwanda, ufite amateka menshi cyane, uzwi nk’umujyi wubatsemo Kaminuza ya mbere Nkuru mu Rwanda(1963). Umujyi urimo ingoro ndangamurage y’imibereho y’abanyarwanda, ikaba iya mbere mu gihugu (1989), hafi yawo hari Kiliziya y’I Save(1900) ikaba iya mbere mu Rwanda, inyubako za kijyambere za mbere mu Rwanda, inzu zifite amateka menshi, Hoteli za mbere, ,harimo Hotel Faucon; umwami Mutara Rudahigwa yafatiyemo amafunguro, akanayiraramo, haba amashuri menshi ya mbere yo mu Rwanda.

Umujyi ufite amateka cyane ahazwi nko ku Bisi bya Huye, umusozi wa Huye, ikawa ya Huye, izwi cyane,ubu bumbyi ndetse n’ubukorikori buzwi cyane mu Rwanda.

Ni umujyi unyurwamo n’imodoka zigana mu bihugu bidukikije nk’u Burundi, abagana mu mujyi wa Rusizi n’abasura Pariki y’Igihugu ya Nyungwe. Ni umujyi uri mu gace keramo umuceri kubera ibishanga n’imigezi ihaboneka, hakaba ubworozi bw’amatungo anyuranye.

Twakogeraho n' Umujyi wa Kigali ukaba n'umurwa mukuru w'u Rwanda naho uhasanga ibintu bitandukanye ndangamuco na ndangamateka. Kigali izwi kuba ari wo mujyi ufite ingoro ndangamurage nyinshi mu gihugu, imisozi ifite amateka menshi, twavuga i Rutunga muri Gasabo aho u Rwanda rwa Gasabo rwatangiriye n'ibindi byinshi.

Insigamigani ni zimwe mu ngeri z’ubuvanganzo nyarwanda, zikaba zaragaragariraga cyane, mu mivugire ,mu migendere, mu myumvire, mu mikorere no mu mibereho y’ubuzima bwabo bwa buri munsi. Ijambo Insigamigani ryagendeye ku magambo abiri y’ikinyarwnda ariyo GUSIGA n’UMUGANI.

Nkuko amateka y’ubuvanganzo nyarwanda abigaragaza, umugani n’ipfundo ry’amagambo atonze neza, Gacamigani yakagiriyemo ihame ridutoza gukora iki cyangwa se kudakora kiriya. Mbese muri make umugani ni umwanzuro w’amarenga y’intekerezo. Ijambo Gusiga, ni ijambo risanzwe rikoreshwa mu kinyarwanda, aha rikaba rishaka kuvuga kugira ikintu runaka usigira umuryango mugari uzajya ukwibukiraho, kikaba umurage wabo w’ibihe ibihumbi.

Insigamigani yo ni ahantu cyangwa se abantu babaye abagenuzi b’i9migani ubwabo cyangwa se inkomoko yayo. Kimwe n’ibindi rubanda bagenuriyehjo, bakabigira iciro ry’imigani, nk’inyamaswa, inyoni, imyururu n’ibindi. Aha niho hava izina “IBIRARI BY’INSIGAMIGANI” Bikaba bishaka kuvuga, inkora y’aho ikintu cyanyuze kigana aha n’aha, bikaba kandi bivuga amayira abakomotseho amagambo yabaye umugani banyuzemo igihe iki nb’iki, ku buryo ubu n’ubu, ku buryo ubu n’ubu, byagenze bitya na bitya.

Ingeri z’insigamigani

Insigamigani zihatiwe gucukumburwa zifite ingeri ebyiri:

1.Hariho insigamigani nyirizina: Nizo abantu bazwi neza amavu n’amajyo, ku buryo rubanda bemeye kwigana imigirire yabo no mu mvugo isanzwe igakoreshwa, bigahinduka inyigisho y’ihame;dore nka Ntambabazi wa Rufangura ati: ”Ndatega zivamo” -Nka Rugaju rwa Mutimbo ati: ”Nguye mu Matsa!“ Nka Nyiramataza muka Rukari ati: ”Ngiye kwa Ngara“ -Nka Nkana ya Rumanzi ati: ”Arigiza Nkana“ -Nka Bajeyi ba Sharangabo bati: ”Yarezwe Bajeyi“.

Bene abo nibo nsigamigani nyirizina,abatatu babanza babaye abagenuzi b’imigani bo ubwabo ,naho ababiri bandi babaye imvano yayo.

2. Hakabaho n’insigamigani nyitiriro: Ni izo ibindi rubanda bagenuriyeho bikaba iciro ry’imigani, mbese nk’impyisi mu nyamaswa iti: ”Harya ko kuvuga ari ugutaruka, nk’iriya Musheru ipfana iki na Mutamu!?“ -nk’inyombya mu nyoni yahagaze mu itongo rya Rugaju iti: ”Mbatere akari aha!” –nk’igikeri mu myururu, bati: ”Gikeri utahe n’intashya, kiti mfana iki n’ibiguruka!? “Burya ibyo byose uko ari bitatu, babitwerereye amagambo y’abantu bahishiriye kubera umwanya bafite mu gihugu cyangwa se mu muryango wubashywe. Sibyo ubwabyo byivugiye ayo magambo.

Imirangururire y’insigamigani

Barangurura ibirari by’insigamigani, bagaragaza inkora naka yanyuzemo ubwe, cyangwa iyo Gacamigani we yahimbiye kunyuzamo ikindi yitiriye amageza yavuyemo uugani bati: ”Umugani uyu n’uyu wakomotse kuri nana na kanaka cyangwa se na nyiranaka“ Bakigisha cyangwa se bakibutsa imimerere yo guhimba kwe, ishobora kumera nk’iya wa wundi wa mbere bakurijeho urwiganwa.

Dore mbese nk’umgani baca bagira ngo “Arimo Gishegesha ntavura“ bavuga ko wakomotse kuri Gishegesha cya Bungura wo mu Bibungo bya Mukingo mu Nduga, na Bugabo wo mu Bugesera, ahasaga mu w’1600, ku ngoma ya Mibambwe Gisanura. Wamamaye kuko Gishegesha yayoboye abanyarwanda gutera u Bugesera, agakuza Bugabo amata mu kanwa aribwo akigabana. Yamubereye kirogoya kuko yamunyagishije inka atarazimarana kabiri. Iyo rero amaronko ajemo kirigoyaiyavutsa nyirayi nibwo bagira bati: ”Arimo Gishegesha ntavura“ Ubwo baba bigana Bugabo wamaze kunyagishwa na Gishegesha akavuga atyo, ati: “Arimo Gishegesha ntavura“.

 

Nsazamahoro Denis ni umunyarwanda, umukinnyi n’utuganya sinema. Denis yari intararibonye muri cinema, yakinnye muri filimi izitandukanye haba mu Rwanda n’izo mu mahanga.

Denis yarazwiho kuba yari umukinnyi mwiza muri filimi yabaga yakinnyemo, umuntu ukunda umwuga akora, akitanga, akifuza kuwuteza imbere hano mu Rwanda.

Dore ibintu wamenya kuri Denis

1.Denis Nsanzamahoro yavutse mu 1976

2. Denis Nsanzamahoro yavukiye I Kigali

3. Denis Nsanzamahoro yize amashuri makuru

4. Denis Nsanzamahoro yamenyekanye cyane muri filimi  ku izina rya Rwasa

5. Mu 1998, Denis yakinnye kandi muri filimi ya Jenoside 100 Days.

6. Mu mwaka wa 2003, Rwasa yakinnye muri filimi za jenoside yakorewe abatutsi; Sometimes in April, yayobowe na Raoul Peck, aho yari kumwe n’abakinnyi bakomeye Edris Elba,Oris Erhuero na Carole Karemera.

7. Mu mwaka wa 2004-2010, Rwasa yakoze kuri Radio Flash, mu biganiro bitandukane nka; FlashBack Sunday, Imboni y’umuguzi na Top 20.

8. Yakinnye mu zindi filimi za Jenoside nka A Sunday in Kigali (2006), Operation Turquoise(2007), Sooting Dogs (2005) n’izindi

9. Rwasa yakinnye muri filimi yamenyekanye mu Rwanda yitwa Amarira y’Urukundo.

10. Rwasa yanditse kandi ayobora filimi muri Filimi  Sakabaka na Rwasa

11. Mu mwaka wa 2013,yahawe igihembo cya Rwanda Movie Award nk’umukinnyi mwiza w’umugabo w’umwaka.

12. Rwasa,umukinnyi yafataga nk’icyitegerezo kuri we ni Martin Fitzgerald Lawrence w’umunyamerika.

13. Rwasa yumvaga yaba umuDj, agafungura akabyiniro, igihe yaba ahagaritse ibyo gukina flimi.

14. Rwasa yakinnye muri Filimi mpuzamahanga zigera kuri 12.

15.  Rwasa, filimi ya nyuma ya kinnyemo ni Petit Pays ( Agahugu gato) y’umuhanzi Gaye Faye.

16. Rwasa yitabye iman tariki ya 5 Nzeri 2019, azize indwara ya Diyabete.

17. Rwasa yapfuye afite imyaka 43.

PGGSS ni irushanwa rwo guteza imbere umuziki mu Rwanda, isosiyete ya Bralirwa ifatanyije na  Mushyoma Joseph washinze EP (East Africa Promoter) bateguraga irushanwa ryo gushakisha umuhanzi ukunzwe mu gihugu buri mwaka.

Guma Guma ni irushanwa ryahuzaga abahanzi benshi, kuva muri Gashyantare hakaba ibikorwa byo kuritangiza,  bakazenguruka igihugu bakora ibitaramo maze abaturage bakazatora ukunzwe muri bose.

PGGSS yari ifite ibihembo bitandukanye, igihembo nyamukuru cyari Amafaranga agera kuri miliyoni 24 cyahabwaga umuhanzi wa mbere ndetse nandi ma miliyoni yagendaga agabanywa abahanzi bafataga imyaka ikurikiyeho bakurikije uko amategeko yabaga yashyizweho.

Guma Guma yatangiye 2011 ihagarara 2018

1. Umuhanzi Tom Close (2011)

Umuhanzi watwaye Guma Guma bwa mbere ni Tom Close. Amazina ye ni Muyumbo Thomas, yatangiye kuririmba ari muri korali zo mu rusengero. Tom Close yatangiye  umuziki nk’umwuga mu mwaka wa 2005, aririmba mu jyana zitandukanye zirimo R&B, AfroBeat na Dancehall.

 

Tom Close yegukanaga iri rushanwa, nk’uko byari byanditse mu masezerano ko umuhanzi uzegukana iri rushanwa azakorana indirimbo n’icyamamare ku isi Sean Kingston, iyi ndirimbo yarakozwe ikaba yitwa “Good Times Tonight”.

2. Umuhanzi King James (2012)

Umuhanzi watwaye Guma Guma ku nshuro ya Kabiri ni King James. Amazina ye ni  James Ruhumuriza. King James yatangiye umuziki we mu mwaka wa 2006, aririmba mu jyana ya R&B.

Yatwaye PGGSS ahabwa Igihembo haje n’umuhanzi  w’umunyamerika Jason Derulo waje gusoza iryo rushanwa.

King James ,mbere yo gutwara iri rushanwa yari yafashe umwanya wa kabiri mu mwaka wa 2011.

3. Umuhanzi Riderman (2013)

Umuhanzi watwaye Guma Guma ku nshuro ya Gatatu ni Riderman (Umwami w’Ibisumizi). Amazina ye ni Emery Gatsinzi, yatangiye kuririmba  mu mwaka wa 2005, nyuma ajya mu itsinda rya UTP Soldiers ryari rigizwe na NEG G The General na MIM.

Mu mwaka wa 2007, Riderman yasohoye indirimbo ye ya mbere yise Turi Muri Party.  Akorera muri Studio ye yise IBISUMIZI.

4. Umuhanzi Jay Polly (2014)

Umuhanzi watwaye Guma Guma ku nshuro ya Gatanu ni Jay Polly. Amazina ye ni Tuyishime Joshua Polly yatangiye umuziki aririmba muri korali. Yinjiye muri Studio bwa mbere mu mwaka wa 2004.

Jay Polly aririmba mu jyana ya Hip Hop, indirimbo ye ya mbere yasize hanze yari mu rurimi rw’igishwahili yitwa Nakupenda mu mwaka wa 2004.

Akora kandi n’umwuga w’ubugendi (Painting).

5. Umuhanzi Knowless (2015)

 Umuhanzi watwaye Guma Guma ku nshuro ya Kane ni Knowlese .Amazina ye ni Jeanne D’Arc Ingabire Butera, ni umuhanzi watangiye kuririmba aririmba muri korali zo mu rusengero. Knowless yasohoye Alubumu ye ya mbere Komeza mu Ukuboza 2011, aririmba indirimbo z’urukundo, akibanda mu jyana ya R&B.

Knowless , mbere yo gutwara iri rushanwa,  yari yatsindiye umwanya wa Gatatu mu mwaka wa 2013.

Kugeza ubu niwe mu nyarwandakazi wabashije gutsinda iri rushanwa.Umuziki we awukorera mu nzu ya Kina Music, inzu yashinzwe n’umufasha we Ishimwe Clement.

6. Itsinda rya Urban Boys ( 2016)

Abahanzi batwaye Guma Guma ku nshuro ya Gatandatu ni itsinda rya Urban Boys. Ni itsinda ryari rigizwe na basore batatu; James Manzi (Humble Jizzo), Muhammed Nshimiyimana (Nizzo Kaboss) na Niyibikora Safi (Madiba) ryashinzwe mu mwaka wa 2007 rikorera I Huye mu ntara ya Majyepfo. Urban Boys ikaba yararirimbaga mu R&B na AFROPOP.

Mbere ya 2007, Nizzo yari asazwe ari mu itsinda yaririmbagamo, amaze guhura na Humble na Safi bose bashinga itsinda baba batanu. Indirimbo Icyicaro  ari nayo yitiriwe Alubumu yabo ya mbere, niyo bakoze mu mwaka wa 2007 bose uko  ari  batanu (  Nizzo ,Humble, Safi, Rino G na Skotty)..

Mu mwaka wa 2008, babiri baje kurivamo hasigara abasore batatu aribo bakomeje umuziki baza gutwara PGGSS.

 Urban Boys indirimbo yabo ya mbere bakoze ari itsinda rya bantu batatu ni Sindi Indyarya, indirimbo yaramenyekanye mu Rwanda bituma bahitamo kuza gukorera umuziki I Kigali.

Mbere yo gutwara iki gikombe bari batsindiye umwanya wa kabiri mu mwaka wa 2013.

7. Itsinda rya Dream Boys  (2017)

Abahanzi batwaye Guma Guma ku nshuro ya Karindwi ni itsinda rya Dreams Boys .Ni itsinda ryari rigizwe n’abasore babiri; Mujyanama Claude( T.M.C) na Nemeye Platini (Platini). Ni itsinda  ryashinzwe n’abasore babiri b’nshuti kuva mu bwana bwabo, barishinga  mu mwaka wa 2009, riririmba mu jyana ya R&B.

Dream Boys yatangiye umuziki mu mwaka wa 2009 ari naho basohoreye Alubumu yabo ya mbere Sinzika.

Dream Boys, mbere yo gutwara iri rushanwa bari batsindiye umwanya wa Kane mu mwaka wa 2013.

8. Bruce Melody (2018)

Umuhanzi watwaye Guma Guma ku nshuro ya Munani,ari nayo yabaye iya nyuma ni Bruce Melodie. Amazina ye ni Itahiwacu Bruce Melodie. Yatangiriye kuririmba ari muri korali zo mu rusengero akiri umwana.

Ni umuhanzi ururimba ku giti cye akaba n’umwanditsi w’indirimbo. Indirimbo ye ya mbere Tubivemo yari kuri Alubumu Ndumiwe yasohoye mu mwaka wa 2013.

Bruce Melodie aririmba mu jyana ya R&B na POP.

Primus Guma Guma SuperStar yari ifite intego zo; Guteza imbere abahanzi nyarwanda, Guhesha agaciro abahanzi nyarwanda, Gususurutsa abaturage bo mu Ntara zitandukanye mu byaro babahuza n’ abahanzi nyarwanda no Kuzamura urwego rw’ imiririmbire ikava kuri PlayBack (CD) ikajya mu buryo bwa Live”.

Amafoto: Eterinete.

 

Tony Allen ni umuhanzi w’umunya Nigeriya, wamenykane mu kuririmba ijyana ya Afrobeat, ari no mubayihanze.

Dore ibintu wamenya kuri Tony Allen

1. Tony Allen yavutse tariki ya 12 Kanama 1940

2. Tony Allen yavutse kuri mama we w’umunya Ghana na Papa we w’umunya Nigeria.

3. Tony yatangiye akora mu kigo cya Nigeria Broadcasting Corporation  aho yari afite imyaka 18.

4.Tony yavuzaga ingoma mu itsinda rya Africa’70 ryarimo umuhanzi Fela Anikulapo Kuti.

5. Mu myaka ya 1960-1970, Tony yahuye na Kuti bahanze ijyana ya Afrobeat, bavanga ijyana y’umuziki gakondo wa Afurika y’uburengerazuba hamwe na Jazz na Funk.

6. Mu mwaka 1984,Tony yagiye m Bwogereza

7. Mu mwaka wa 2000, Tony yimukiyemu Bufaransa

8. Tony Allen, Alubumu ye yanyuma  ni Rejoice afatanyije na Hugh Maseela.

9. Tony Allen yabaye mu mwuga w’umuzik imyaka 60.

10. Tony Allen yapfuye tariki ya 30 Mata 2020

11. Tony Allen yapfuye afite imyaka 80.

 

 

Page 5 of 36

Igiseke

culture-in-rwanda

Kwamamaza

Umurage Wacu 3lOGO UMURAGECqAJqoFW8AAF6RY.jpg large

Facebook

Inkuru zose

© 2016  Umurage Wacu  Group 

Tel:+250 783541018 /728541018

Email:umuragewacugroup@gmail.com

Address:Kigali-Rwanda

Design by FRI SOFT Ltd