Kuva tariki ya 7 Mata-26 Gicurasi 2020, umurage Wacu Group wifatanya n’abatuye isi mu kwizihiza iminsi idasazwe yashyizweho m rwego rwo; kwibuka ibintu byabayeho, kuzirikana imirage,  guteza imbere imibereho, umuco, kuzirikana ku bidukikije n’ibindi.

Muri iyo minsi hakoreshejwe amafoto mu kuzirikana ibintu 10  bitandukanye bikangurira abantu kuzirikana uwo munsi.

Tariki ya 7 Mata. Buri mwaka hibukwa Jenoside yakorewe abatutsi muri Mata 1994.

Tariki ya 15 Mata. Buri mwaka hizihizwa World Arts Day

Tariki ya 18 Mata. Buri mwaka hizwihizwa World Heritage Day (Sites and Monuments)

Tariki ya 23 Mata . Buri mwaka hizwihizwa  World Book Day.

Tariki ya 30 Mata. Buri mwaka hizwihizwa International Jazz Day

Tariki ya 5 Gicurasi. Buri mwaka hizihizwa African World Heritage Day

Tariki ya 18 Gicurasi. Buri mwaka hizihizwa International Museum Day

Tariki ya 21 Gicurasi. Buri mwaka hizihizwa World Day for culture Diversity for  Dialogue and  Development.

Tariki ya 22 Gicurasi. Buri mwaka hizihizwa Biodiveristy Day

Tariki ya 25 Gicurasi. Buri mwaka hizihizwa Africa Day.

Kanda hano urebe amafoto: https://www.flickr.com/photos/141807562@N05/albums/72157714496854376

 

 

U Rwanda ni igihugu gifite imirage kamere y’ibidukikije,  ibyanya bya komwe, bibugabuzwe ,bimwe muri byo bifatwa nka pariki z’igihugu. Ni ibyanya biri ahantu hatandukanye mu gihugu ku buryo bibyazwa umusaruro mu rwego rw’ubukerarugendo no kubungabunga ibidukikije.

Ibyo byanya bifite akamaro kanini mu Rwanda no muri Afurika mu kurinda urusobe rw’ibinyabuzima bibamo ari inyamaswa n’ibimera.

Dore pariki nkuru z’u Rwanda

Pariki y’ibirunga y’u RWANDA

Pariki y’Ibirunga iherereye mu majyaruguru y’u Rwanda, ifite ubuso bwa Km2 160. Ni ishyamba rya cyimeza , rigwamo imvura nyinshi, ririmo ibirunga 5  (Muhabura, Karisimbi, Sabyinyo, Gahinga na Bisoke) mu ruhererekane rw’ibirunga umunani bihari.

Iyi Pariki ihana imbibi n’izindi pariki zo mu bihugu by’abaturanyi, arizo Virunga National Park yo muri Republika Demokarasi ya Congo na Mgahinga Gorilla National Park yo muri Uganda.

Pariki y’ibirunga igizwe n’ibimera n’inyamaswa, mu bimera habonekamo ibiti byinshi harimo imigano n’ibindi byinshi bya cyimeza, mu nyamaswa hazwi kuba ari iwabo w’ingagi n’inkende.

Pariki yemewe nka pariki y’igihugu mu mwaka 1925, yari Pariki ya mbere ihanzwe muri Afurika mu mwaka wa 1929 aho yari ikikijwe na Albert National Park yo muri Congo Belge.Hagiye habaho kuyigabanya kubera  ibikorwa by’abaturage bayikikije ndetse no gutera amashyamba,kuyizitira nibindi byatumaga ibugwabugwa.

Mu 1967, umunyamerika Dian Fossey yaje gukora ubushakashatsi ku ngagi, aha shiga ihema, ashinga ikigo cya Karisimbi and Bisoke Research Center. Yishwe mu mwaka wa 1985 iwe mu rugo, ubu imva ye iri mu Birunga hafi y’ikigo yashinze.

Mu mwaka 1992, pariki yabayemo umutekano muke kubera ibihe by’intambara igihugu cyarimo, ibiro byayo biraterwa ,Ibikorwa byabaga muri pariki birahagara. Yongeye kwakira abayisura kuva mu 1999.

Pariki y’ibirunga ikorerwamo ibikorwa by’ubukerarugendo birimo gusura ingagi, kuzamuka ibirunga, kureba ibiyaga, gusura imva ya Dian Fossey n’Ikigo uyashinze, kureba izindi nyamaswa zibamo harimo imbogo, imvubu,inyoni n’ibindi.

Pariki y’Akagera

Pariki y’akagera ni pariki iherereye mu burengerazuba bw’u Rwanda ,ifite ubuso bwa Km2 1,222 iri hafi y’igihugu cya Tanzania n’uruzi rwa Akagera.

Pariki y’Akagera igizwe n’ishyamba rifunguye,ririmo ibiti by’iminyinya ,imisozi iriganiye,ibiyaga nka Ihema n’ibindi bito bitandukanye,inyamaswa zikaze.

Yemejwe nka Pariki mu 1934,yashinzwe n’ababirigi,yari ifite ubuso bwa Km2 2500,izwi ku rusobe rw’ibidukikije bibamo. Yari izwi mu kuba pariki ifite imbwa zizwi nka African Wild Dogs, na  Parc aux Lycaon   gusa zageze aho ziragabanuka kubera icyorezo, izanyuma zagaragaraga mu 1984.

Mu mwaka wa 1957,bazanyemo Inkura z’umukara zivuye muri Tanzania,kuburyo mu mwaka w’1970 zari zimaze kuba 50. Kubera barushimusi zagiye zigabanuka ku buryo iya nyuma yagaragaye mu mwaka 2007.

Mu mwaka 1986, bayishyizemo Massai Girage zivuye muri Kenya, umubare wazo wariyongeye ugera kuri 80.Mu mwaka w’ 1990,Pariki yari ifite intare zigera kuri 250-300.

Mu mwaka wa 2009, u Rwanda binyuze muri Rwanda Development Board basinye amasezerano na  African Parks Network y’imyaka 20 ashobora kogerwa.Howard Buffett Foundation yateye inkunga mu kurinda pariki no kugarura inyamawa, amahugurwa ku barinda pariki,gushyiraho uruzitio n’ibindi.

Mu mwaka wa 2015, Pariki yakiriye intare 7 zivuye muri Afurika y’Epfo zigizwe n’ingore 5 n ‘ingabo 2. Mu kwezi kwa Gicurasi  2017, u Rwanda ku bufatanye na African Parks, pariki yasubijwemo inkura z’umukara zigera kuri 20 zivuye muri Afurika y’epfo.Byatumye pariki yongera kugira inyamaswa zikomeye mu ishyamba zizwi.

Mu kwezi kwa Kamena 2019, izindi nkura 5 (Ingabo 2 n’ingore 3)  zavuye muri Zoo eshatu z iburayi, Dyur kralove Zoo mu gihugu cya Czech, Flamigo Land mu gihugu cy’ubwogereza na Ree Park Safari mu  gihugu cya Danemark,zakoze urugendo rw’amasaha 30..Ni ubwa mbere bibayeho umubano nkuyu hagati ya Afurika n’uburayi

Muri pariki ya Akagera wabasha gukora urugendo mu mudoka mu rugendo rwitwa Game Driving ukabasha kwinjirira mu majyepfo ugasohokera mu majyaruguru ya Pariki.Ubasha kureba inyamaswa z’inkazi mu ishyamba bita  Big5 arizo; Intare, inkura,ingwe, Imbogo n’inzovu.Gusura ibiyaga, kureba inyamaswa ziba mu mazi,ibiti bike,ubutaka butangaje.

Pariki ya Nyungwe

Pariki ya nyungwe iherereye mu majyepfo y’u Rwanda, ifite ubuso bujya kungana na km2 970, ihana imbibi na Kibira National Park mu gihugu cyu Burundi.Ni Pariki igwamo imvura nyinshi muri Afurika yo hagati.

Pariki igabanya amazi y’inzuzi (Nile na Congo ), inzuzi ndende kandi nini muri Afurika .Izwi kuba ariyo soko y’amazi y’uruzi rwa Nili.

Pariki ya Nyungwe yabaye Pariki y’igihugu mu 2004, ibamo ibiti bya cyimeza byinshi bigera ku 1068, inyamaswa zitandukanye zirimo amoko y’ inyoni agera kuri 275 n’amoko y’inkende atandukanye , inyamabere, izigenda ku butaka n’izindi.

Pariki ya Nyungwe ikorerwamo ibikorwa by’ubukerarugendo bitandukanye; kugenda ku kiraro cya Canopy Walk, kureba inkende, inyoni, gusura waterfalls. Ni pariki iri hafi y’umusozi wa Bigugu.

Pariki ya Gishwati –Mukura

Pariki nshya mu Rwanda! Icyanya cy’ishyamba rya Gishwati na Mukura  ifite ubuso bwa Km2 34, harimo ubuso bwa Ha 1570 zo mu cyanya cya Gishwati na Ha 1988 zo mu cyanya cya Mukura. Ni pariki iherereye mu ruhererekane rw’imisozi y’isunzu rya Congo-Nili mu burengerazuba bw’u Rwanda igakora ku turere twa Ngororero na Rutsiro.

Ni ishyamba ryatangiye kubungwabugwa kuva mu mwaka wa 1970-1990, mu mwaka wa 1980, ishyamba ryaragabanutse kubera abaturage bagendaga barikoreramo ibikorwa bitandukanye ku buryo ryavuye kuri Ha 250 000 rikagera kuri Ha 28 000,mukura yari Ha 30 000 igera kuri 15 000. Na nyuma ya Jenoside yakorewe abatutsi byagaragaye ko ryakomejwe kuvugerwa  n’ibikorwa by’abaturage bagiye baritema, maze rihinduka ishyamba risanzwe,abandi bacukura amabuye maze rirangirika cyane.

Mu mwaka wa 2015, nibwo Pariki y’igihugu ya Gishwati-Mukura yemejwe n’itegeko, kuva icyo gihe Leta nabafatanyabikrowa batangira kugarura ishyamba no kuritunganya ngo rihinduke Pariki y’igihugu.

Habaye ibkorwa byo kurisubiranya mu mpande zose, ari ku ruhande rwa Gishwati no ku ruhande rwa Mukura. Bateye amashyamba kandi basubiranya ahacukuwe amabuye, kwimura abaturage kugirango ryaguke kandi bataguma mu mbago zaryo.

Muri Gashyantare 2016, nibwo ishyamba rya kimeza rya Gishwati-Mukura ryemejwe nka Pariki y’igihugu ya Kane , rigamijwe ku zunganira ubukerarugendo bw’u Rwanda no kubungabunga ibidukikije.

Tariki ya 1 Ukwakira 2019, nibwo Minisiteri y’ibidukikije yashyikirije  iyi Pariki  ikigo cya RDB mu rwego rwo kuyibyaza umusaruro mu rwego rw’ubukerarugendo. Ni pariki yihariye mu kuba yarahanzwe hagendewe mu kubungabunga ibidukikije.

Pariki ya Gishwati-Mukura rigizwe n’ishyamba ririmo amoko menshi y’ibiti bya cyimeza, inyamaswa zirimo ; inguge, Inkima, inyoni,  inkende n’impundu .Niho haturuka isoko y’umugezi wa Sebeya ndetse habamo n’amasumo y’amazi amanuka ku misozi.

Ni pariki iteganyijwe guteza imbere ubukerarugendo bwibanda ku bidukikije (Eco Tourism) nkuko byemezwa n’abashinzwe kuririnda no gukoreramo ibikorwa by’ubukerarugendo.

 

Mu rwego rwo kwizihiza umunsi mpuzamahanga w’ururimi rw’igifaransa wizihizwa tariki ya 20 Werurwe buri mwaka.

Ukwezi kose kwa Werurwe twahisemo Amafoto y’imirage, ubukerarugendo,umuco, ibyiza nyaburanga byo mu bihugu bitatu bigize umuryango w’ibihugu byo mu karere k' Ibiyaga Bigari bya Afurika, aribyo u Rwanda, Burundi, RDC.

Kanda hano urebe:  https://www.flickr.com/photos/141807562@N05/albums/72157713775532983

Rwanda ni igihugu gifite ibyiza nyaburanga byinshi mu mpande zose z’igihugu.Hakaba ahantu hazwi cyane haba ubukerarugendo kubera imiterere yahoo,ibyiza kamere byaho, ibyishimo bihaba,amafunguro ahaba, ibikorwa byinshi bikurura abakerarugendo.

Imijyi y’ubukerarugendo mu Rwanda iherereye cyane mu ntara y’Uburengerazuba ku nkengero z’ikiyaga cya Kivu, mu ntara y’amajyaruguru hafi y’ibirunga.

1. Umujyi wa Rubavu

Umujyi ukurura abantu benshi cyane kubera uherereye ku nkengero z’ikiyaga cya Kivu, ugahana imbibi n’umujyi wa Goma muri RDC.Bituma yitwa Imijyi y’Impanga mu karere k’ibiyaga bigari!. Ni umujyi ufite umupaka wa mbere unyurwaho n’abantu benshi mu Rwanda ari abakora ubucuruzi, abatemberera muri ibi bihugu byombi no mu Karere.

Ni umujyi ufite amahirwe menshi mu bikorwa by’ubukerarugendo kubera ukora ku kindi gihugu ndetse n’ibyiza nyaburanga byinshi bigiye biba hafi yawo nk’ingoro ya Mgr Bigirumwami Aloys, kuzamuka imisozi nka Rubavu, Rubona… kuroba isambaza, kugenda n’igare ku nkengero z’ikiyaga ndetse n’ibikorwa by’imikino, Kayaking, Koga, kwicara ku mucanga, gusura inganda z’icyayi, gusura Pariki ya Gishwati irimo inyamaswa zitandukanye n’ibiti.

Umujyi wa Rubavu wa wutangiriramo urugendo rwa Congo-Nile Trail, urugendo ugenda uzenguruka ku nkengero z’ikiyaga cya Kivu, ukaba wagera I Karongi, ushobora ku rugenda n’amaguru, igare, moto cyangwa imodoka.

2. Umujyi wa Musanze

Umujyi uri mu majyaruguru y’u Rwanda ku birenge by’ibirunga, ni umujyi ukurura abantu benshi kubera ikirere cyaho cyiza, isaha n’isaha imvura ishobora kugwa! Uri hafi y’umupaka w’u Rwanda na Uganda ku Cyanika, hakaba habera ubucuruzi cyane. Ni umujyi uri mu gace kabamo ibikorwa by’ubuhinzi cyane cyane ibirayi n’imboga. Ni umujyi uberamo inama, amahugurwa n’ibindi byinshi. Ukanyurwamo n’abagana mu yindi mijyi nka Rubavu, Muhanga, Rusizi na Goma (RDC).

Ni umujyi ufite ibikorwa by’ubukerarugendo nko gusura ibiyaga by’impanga (Burera na Ruhondo) biri hafi yawo , kuzamuka ibirunga no kureba ingagi, gusura amashyamba afite amateka menshi, gusura ubuvumo, kugenda mu mugezi wa Mukungwa (Canoeking), ibikorwa ndangamuco byihariye nk’imbyino zaho ndetse n’ibindi byinshi biri mu nkengero zawo.

Ku muhanda Kigali-Musanze ushobora kereba umusozi muremure mu Rwanda, umusozi wa Kabuye.

3. Umujyi wa Rusizi

Umujyi uherereye mu burengerazuba bw'u Rwanda mu karere ka Rusizi, ugahana imbibi n'umujyi wa Bukavu mu gihugu cya Repubulika iharanira Demokarasi ya Congo(RDC).Nayo ituma iba Impingi y’Impanga mu karere k’ibiyaga bigari.

 Ni umujyi ukora ku kiyaga cya Kivu, hakaba ahantu haba ubucuruzi hagati y'ibihugu bitatu aribyo Rwanda, Burundi na RDC, umugezi ugabanya ibi bihugu usohoka mu Kivu ariwo Rusizi.Ikibaya cya Bugarama,ari ho hantu hafite ubutumburuke bwo hasi mu gihugu,hari igishanga bahingamo umuceri, ikibaya kiri mu ndiba y’imisozi, kinyuramo imigezi, inagabanya ibihugu, hakaba ariho hahurira ibihugu ibyo bihugu bitatu.

Ibikorwa by'ubukerarugendo; kujya gusura ku kirwa cyo ku Nkombo, gusura ahantu umwami Musinga yaratuye, gusura imirima y'icyayi, gutembera muri Pariki ya Nyungwe, gutembera mu kiyaga cya Kivu, kujya ku Mashyuza, koga, kugenda mu bwato,..... Ni ahantu haba imbyino n'imivugire zihariye kubera uruhurirane rw'abo bantu bahagenda ndetse n'amafunguro yihariye.

Kubera ikirere cyaho n'ubutaka bwaho kubera kwegera hafi ya Nyungwe, haba ubuhinzi bw'icyayi, ikawa, amatunda, inanasi ,imyembe n'ibikorwa by’uburobyi cyane.

4. Umujyi wa Karongi

Umujyi utuje! Ni umujyi uherereye mu ntara y’uburengerazuba bw’u Rwanda ku nkengero z’ikiyaga cya Kivu. Umujyi wo gutembereramo igihe umuntu ashaka ahantu hatuje,hataba urusaku n’akavuyo. Hoteli zigiye ziri ku nkombe z’ikiyaga ku misozi iriho ibiti bitandukanye.

Ikiyaga cya Kivu gifite uturwa twinshi cyane turiho inyamaswa zitandukanye cyane cyane inyoni, ibiti n’indabyo byiza cyane.Muri Karongi kandi wabasha gusura inganda z’icyayi n’ikawa, gukora uburobyi, kureba uruhererekane rw'imisozi yenda gukora ku ijuru, kureba ihindagurika ry'ibicu (ikibunda) n'ibindi.

Umujyi wa Karongi wa wutangiriramo urugendo rwa Congo-Nile Trail, urugendo ugenda uzenguruka ku nkengero z’ikiyaga cya Kivu, ukaba wagera I Rubavu,ushobora ku rugenda n’amaguru, igare, moto cyangwa imodoka.

Umuhanda Kigali-Karongi wasura urutare rwa Ndaba ruri ku muhanda rufite amateka ya Ndaba!

Twakogeraho n'Umujyi wa Kigali, umurwa mukuru w'igihugu nawo wakira abakerarugendo batandukanye kubera ibyiza byinshi bihari.

 

Emmanuel N’Djoke Dibango ni umuhanzi,umwanditsi w’indirimbo ukomoka muri Cameroun. Emmanuel  yaririmbaga mu jyana ya Jazz, umuhanga mu gucuranga Saxophone na Vibraphone.Yateje imbere ijyana gakondo yo muri cameroun.

Yavukiye mu muryango ufite imico itandukanye ariko byatumye yose agerageza kuyimenya,gusa yamenye cyane uwa ba Douala,umuryango we wari utuye hafi y’uruzi rwa Wouri.  Yajyaga gusenga mu masengesho ya nijoro mu rusengero rw’abaporoso,ari naho yatangiye kwiga ibya muzika

Dore ibintu wamenya kuri Dibango

1. Emmanuel N’Djoke Dibango yavutse tariki ya 12 Ukuboza 1933

2. Emmanuel N’Djoke Dibango yavukiye I Douala muri  Cameroun

3. Papa we yavaga mu bwoko bw’aba Yabassi

4. Mama we yavaga mu bwoko bw’aba Duala, akaba yarakoraga ubudozi.

5. Yize mu ishuri ry’Abafaransa, ari naryo ryasusurukije ibirori byo kwakira Perezida Charles de Gaulle w’Ubufaransa wasuye Cameroun mu 1944.

6. Emmanuel N’Djoke Dibango yarazwi ku mazina y’ubuhanzi nka Dibango Papa Groove cyangwa Papa Manu

7.  Dibango yaririmbaga mu jyana ya Makossa, African Rumba, AfroFunk, Afrobeat,Jazz na Gakondo.

8. Tariki ya 20 Werurwe 2014, Dibango yaririmbiye mu Muryango w’ubumwe n’ubwiyunge I New York ku munsi mukuru w’ururimi rw’igifaransa.

9. Dibango yasohoye Alubumu ya mmbere mu 1968

10. Dibando yasohoye Alubumu ya nyuma 2013

11.. Dibango yasohoye Alubumu zigera kuri 73

12. Dibango yakoranye n’abahanzi batandukanye hari mo nka T Bone Walker.Fela Kuti, Bernie Worrell n’abadi benshi.

13. Mu mwaka wa 2004, Dibango yabaye umuhanzi w’Amahoro wa Unesco.

14. Dibango yitabiriye amaserukiramuco akomeye, harimo nka Brecon Jazz festival mu 2009

15. Muri Nyakanga 2014, yizihije isabukuru ye y’imyaka 80 mu birori byabereye Olympia mu Bufaransa byateguwe na TV5Monde.

16. Tariki ya 8 Nzeri 2015,Michaelle Jean wari S.G wa OIF yagize Dibango yahawe ubushobozi nka Grand Témoin de la Francophonie muri Jeux Olympiques et Paralympiques de Rio mu 2016.

17. Dibango yamazee imyaka 59 (1961-2020) mu mwuga w’ubuhanzi.

18. Dibango yitabye imana tariki ya 24 werurwe 2020

19. Dibango yahitanywe n’icyorezo cya Coronavirus (Covid19)

20. Dibango yapfiriye mu gihugu cy’ubufaransa

21.  Dibango yitabye Imana afite imyaka 86

 

Mory Kanté ni umunyaguineya,wamenyekany nk’umuhanzi mu kumenyekanisha umuziki w’injyana ya Kinyafurika ku rwego mpuzamahanga.

Mory Kanté yari umuhanzi kandi akandika n’indirimbo.

Dore ibintu wamenya kuri Mory

1. Mory Kanté yavutse tariki 29 Werurwe 1950

2. Mory Kanté yavukiye mu gihugucya Guinée.

3. Ababeyi be, Papa we yari Eid Hadji Djeli Fode na Mama we Fatouma Kamissoko wari umuhanzi nawe.

4. Mory  Kante yakomokaga mu muryango w’ubwoko bwaba Griot bacuranga, yari afite inkomoko kuba nyemali  n’abanyaguine.

5. Ku myaka irindwi yoherejwe muri Mali,aho yize gucuranga Kora.

6. Mu mwaka wa 1971, Kante yabaye umwe mu bagize itsinda Rail Band ari hamwe na Salif Keita. Nyuma mu 1973, Keita yavuye mu itsinda, maze Kante asigara wenyine.

7. Kanté yari umusiramu, byamufashije gucuranga indirimbo za kisiramu.

8. Tariki ya 16 Ukwakira 2001, Mory yabaye Ambasaderi wa FAO nka Goodwill Ambassador.Muri uwo mwaka yitabiriye ibirori bya FAO I Rome ku kicaro gikuru.

9. Mory yakoranye indirimbo na Tiken Jah Fakoly, Amadou & Mariam n’umuraperi Didier Awadi. Ni indirimbo yo ku rwanya icyorezo cya Ebola (Africa Stop Ebola)

10. Mory yasohoye Alubumu13

11. Mory yamenyekanye mu ndirimb Yé ké Yé ké

12. Mory yamaze imyaka igera kuri 49 mu muziki (1971-2020)

13. Mory yapfuye 22 Gicurasi 2020

14. Mory yapfuye afite imyaka 70.

15. Mory  Kanté yashyinguwe tariki ya 27 Gicurasi 2020

 

 Hamid Cheriet ni umuhanzi w’umunyaligeriya, wamenyekanye mu ndirimbo z’ijyana yiranga umuco wa  Kabyle n’ababeriberi. Ni umuhanzi, umwanditsi, utunganya indirimbo, yari afite ubuhanga bwo gucuranga gitari.

Dore ibintu wamenya kuri Hamid

1. Hamid Cheriet yavutse mu mwaka wa 25 Ukwakira 1949

2. Hamid Cheriet yavukiye I  Beni Yenni mu Ntara ya Tizi Ouzou mu gihugu cya Algeria

3. Hamid Cheriet yafashe izina ry’ubuhanzi rya Idir cyangwa Yidir

4. Indirimbo ze zamenyekanye cyane harimo A Vava Inouva

5. Indirimbo ze zatangiye kumenyekana mu myaka ya za 1970

6. Idir yabaye ambasaderi w’umuco wa Kabyle na Berbère

7. Idir yaririmbaga mu jyana ya Pop, Fusion, Ijyana Gakondo ya Kabyle.

8. Idir yagiye mu Bufaransa mu 1975

9. Idiri yasohoye Alubumu 9

10. Idir yasohoye Alubumu ya mbere mu 1976

11. Idir yasohoye Alubumu ya nyuma mu 2017

12. Idir yamaze igihe kigera ku myaka 44 (1976-2020)  mu mwuga w’ubuhanzi.

13.. Idir yitabye Imana tariki ya 2 Gicurasi 2020

14. Idir yapfiriye mu gihugu cy’ubufaransa

15. Idir yapfuye afite imyaka 70.

Rwanda ni igihugu gifite ibintu byinshi ndangamurage byerekeranye n’amateka, umuco hirya no hino mu gihugu.

Bituma hari ahantu hihariye kubera amateka haba hazwiho ko ari ku gicumbi cy’umuco n’amateka by’u Rwanda n’abanyarwanda muri rusange.

Umuyoboro w’umurage, ni igice cyerekeza amajyepfo y’u Rwanda, uwo muyoboro wa Muhanga-Ruhango-Nyanza-Huye, aho hazwi kubaho habitse amateka n’ibintu ndangamuco byinshi.

1. Umujyi wa Muhanga

Umujyi uri hagati no hagati mu gihugu, umujyi ushobora kunyuramo ukagera aho ushaka hose mu Rwanda. Ni umujyi uri hafi ya Kigali mu rugendo rw’iminota mirongo itatu.

 Umujyi urimo amashuri menshi, ahantu ndangamateka ; ahantu hakomoka Perezida wa mbere w’u Rwanda (Gregoire Kayibanda), I Shyogwe hazwi kuba ariho havugwa iby’intambara yo ku Runshushu, Kiliziya y’I Kabgayi ,Amashuri y’abihaye Imana akomeye mu Rwanda.

Ni ahantu ndangamateka na ndangamuco nka hantu hazwi ko bazi kuboha imisambi/ibirago, ibyibo,inkoko n’uduseke, bimwe mu bikoresho byaraganga abanyrwanda ba kera. Haba n’igiturage cyiza cyo gutemberamo,ukarya ku mafunguro gakondo yaho.

Ni umujyi unyuramo ujya muy’indi mijyi nka Karongi, Nyanza, Huye.

2.Umujyi wa Ruhango

Umujyi ukorerwamo ingendo nyobokamana, zo kujya gusengera mu kibaya cy’Amahoro kwa Yezu Nyirimpuhwe. Ni ahantu hahuza abantu baturutse impande zose baje gusenga, gushimira, gusaba,

Ni akarere muri rusange gafite ahantu henshi hazwi mu mateka; ku Intango ya Rwabugiri, Amasenga y’impyisi, Igisoro cya Ruganzu, imana y’irarire, Urutare rwa kamegeri n’ahandi henshi cyane.

Ni umujyi uri mu gice gikorerwamo ubworozi.bituma haba amata meza, inyubako zisakaje amategura, imirima y’ubuhinzi n’ibindi.

3. Umujyi wa Nyanza

Umujyi utatswe imitako gakondo (Imigogo); (hagaragara Amababa y’Intashya,  umuhigo, Umwashi, Igitoki, Amanyamanza, Ishombe,Umugongo w’Inzovu,…). Ni umujyi uzwi kuba ukurura ba mukerarugendo kubera ibyiza ndangamateka na ndangamuco bihabarizwa.

Umurwa w’Abami b’u Rwanda kuva mu 1899 ,Nyanza, ni ahantu hazwi cyane mu mateka y’u Rwanda. Umujyi urimo ingoro ndangamurage y’umwami, Umusezero w’Abami, Ibigabiro, Inzira gakondo z’ubukerarugendo.

Hari  amazu ya mbere ya kijyambere yubatswe n’abazungu, amashuri y’abihaye Imana, ahantu hagaragara Inka z’inyambo, ibikuyu binini, hazwi kuba haba amata aryoha cyane.

Umujyi wubatse mu murenge wa Busasamana

4. Umujyi wa Huye

Umujyi watangiye mu 1917,utagizwa n’Umudage Defane,watangiriye ahazwi nko kwi Rango ugenda ku misozi ya Kabutare,Ruhande ,Mamba na Buye yaje Kwitwa ASTRIDA (Izina ryari iry’umwamikazi w’ububiligi).

Astrida yabaye umurwa wa teritware Ruanda-Urundi. Hazwi kuba harabaye uduce dutuwe n’abazungu n’uduce tw’abirabura.

Umujyi w’inititi z’u Rwanda! uri mu majyepfo y’u Rwanda, ufite amateka menshi cyane, uzwi nk’umujyi wubatsemo Kaminuza ya mbere Nkuru mu Rwanda(1963). Umujyi urimo ingoro ndangamurage y’imibereho y’abanyarwanda, ikaba iya mbere mu gihugu (1989), hafi yawo hari Kiliziya y’I Save(1900) ikaba iya mbere mu Rwanda, inyubako za kijyambere za mbere mu Rwanda, inzu zifite amateka menshi, Hoteli za mbere, ,harimo Hotel Faucon; umwami Mutara Rudahigwa yafatiyemo amafunguro, akanayiraramo, haba amashuri menshi ya mbere yo mu Rwanda.

Umujyi ufite amateka cyane ahazwi nko ku Bisi bya Huye, umusozi wa Huye, ikawa ya Huye, izwi cyane,ubu bumbyi ndetse n’ubukorikori buzwi cyane mu Rwanda.

Ni umujyi unyurwamo n’imodoka zigana mu bihugu bidukikije nk’u Burundi, abagana mu mujyi wa Rusizi n’abasura Pariki y’Igihugu ya Nyungwe. Ni umujyi uri mu gace keramo umuceri kubera ibishanga n’imigezi ihaboneka, hakaba ubworozi bw’amatungo anyuranye.

Twakogeraho n' Umujyi wa Kigali ukaba n'umurwa mukuru w'u Rwanda naho uhasanga ibintu bitandukanye ndangamuco na ndangamateka. Kigali izwi kuba ari wo mujyi ufite ingoro ndangamurage nyinshi mu gihugu, imisozi ifite amateka menshi, twavuga i Rutunga muri Gasabo aho u Rwanda rwa Gasabo rwatangiriye n'ibindi byinshi.

Insigamigani ni zimwe mu ngeri z’ubuvanganzo nyarwanda, zikaba zaragaragariraga cyane, mu mivugire ,mu migendere, mu myumvire, mu mikorere no mu mibereho y’ubuzima bwabo bwa buri munsi. Ijambo Insigamigani ryagendeye ku magambo abiri y’ikinyarwnda ariyo GUSIGA n’UMUGANI.

Nkuko amateka y’ubuvanganzo nyarwanda abigaragaza, umugani n’ipfundo ry’amagambo atonze neza, Gacamigani yakagiriyemo ihame ridutoza gukora iki cyangwa se kudakora kiriya. Mbese muri make umugani ni umwanzuro w’amarenga y’intekerezo. Ijambo Gusiga, ni ijambo risanzwe rikoreshwa mu kinyarwanda, aha rikaba rishaka kuvuga kugira ikintu runaka usigira umuryango mugari uzajya ukwibukiraho, kikaba umurage wabo w’ibihe ibihumbi.

Insigamigani yo ni ahantu cyangwa se abantu babaye abagenuzi b’i9migani ubwabo cyangwa se inkomoko yayo. Kimwe n’ibindi rubanda bagenuriyehjo, bakabigira iciro ry’imigani, nk’inyamaswa, inyoni, imyururu n’ibindi. Aha niho hava izina “IBIRARI BY’INSIGAMIGANI” Bikaba bishaka kuvuga, inkora y’aho ikintu cyanyuze kigana aha n’aha, bikaba kandi bivuga amayira abakomotseho amagambo yabaye umugani banyuzemo igihe iki nb’iki, ku buryo ubu n’ubu, ku buryo ubu n’ubu, byagenze bitya na bitya.

Ingeri z’insigamigani

Insigamigani zihatiwe gucukumburwa zifite ingeri ebyiri:

1.Hariho insigamigani nyirizina: Nizo abantu bazwi neza amavu n’amajyo, ku buryo rubanda bemeye kwigana imigirire yabo no mu mvugo isanzwe igakoreshwa, bigahinduka inyigisho y’ihame;dore nka Ntambabazi wa Rufangura ati: ”Ndatega zivamo” -Nka Rugaju rwa Mutimbo ati: ”Nguye mu Matsa!“ Nka Nyiramataza muka Rukari ati: ”Ngiye kwa Ngara“ -Nka Nkana ya Rumanzi ati: ”Arigiza Nkana“ -Nka Bajeyi ba Sharangabo bati: ”Yarezwe Bajeyi“.

Bene abo nibo nsigamigani nyirizina,abatatu babanza babaye abagenuzi b’imigani bo ubwabo ,naho ababiri bandi babaye imvano yayo.

2. Hakabaho n’insigamigani nyitiriro: Ni izo ibindi rubanda bagenuriyeho bikaba iciro ry’imigani, mbese nk’impyisi mu nyamaswa iti: ”Harya ko kuvuga ari ugutaruka, nk’iriya Musheru ipfana iki na Mutamu!?“ -nk’inyombya mu nyoni yahagaze mu itongo rya Rugaju iti: ”Mbatere akari aha!” –nk’igikeri mu myururu, bati: ”Gikeri utahe n’intashya, kiti mfana iki n’ibiguruka!? “Burya ibyo byose uko ari bitatu, babitwerereye amagambo y’abantu bahishiriye kubera umwanya bafite mu gihugu cyangwa se mu muryango wubashywe. Sibyo ubwabyo byivugiye ayo magambo.

Imirangururire y’insigamigani

Barangurura ibirari by’insigamigani, bagaragaza inkora naka yanyuzemo ubwe, cyangwa iyo Gacamigani we yahimbiye kunyuzamo ikindi yitiriye amageza yavuyemo uugani bati: ”Umugani uyu n’uyu wakomotse kuri nana na kanaka cyangwa se na nyiranaka“ Bakigisha cyangwa se bakibutsa imimerere yo guhimba kwe, ishobora kumera nk’iya wa wundi wa mbere bakurijeho urwiganwa.

Dore mbese nk’umgani baca bagira ngo “Arimo Gishegesha ntavura“ bavuga ko wakomotse kuri Gishegesha cya Bungura wo mu Bibungo bya Mukingo mu Nduga, na Bugabo wo mu Bugesera, ahasaga mu w’1600, ku ngoma ya Mibambwe Gisanura. Wamamaye kuko Gishegesha yayoboye abanyarwanda gutera u Bugesera, agakuza Bugabo amata mu kanwa aribwo akigabana. Yamubereye kirogoya kuko yamunyagishije inka atarazimarana kabiri. Iyo rero amaronko ajemo kirigoyaiyavutsa nyirayi nibwo bagira bati: ”Arimo Gishegesha ntavura“ Ubwo baba bigana Bugabo wamaze kunyagishwa na Gishegesha akavuga atyo, ati: “Arimo Gishegesha ntavura“.

 

Nsazamahoro Denis ni umunyarwanda, umukinnyi n’utuganya sinema. Denis yari intararibonye muri cinema, yakinnye muri filimi izitandukanye haba mu Rwanda n’izo mu mahanga.

Denis yarazwiho kuba yari umukinnyi mwiza muri filimi yabaga yakinnyemo, umuntu ukunda umwuga akora, akitanga, akifuza kuwuteza imbere hano mu Rwanda.

Dore ibintu wamenya kuri Denis

1.Denis Nsanzamahoro yavutse mu 1976

2. Denis Nsanzamahoro yavukiye I Kigali

3. Denis Nsanzamahoro yize amashuri makuru

4. Denis Nsanzamahoro yamenyekanye cyane muri filimi  ku izina rya Rwasa

5. Mu 1998, Denis yakinnye kandi muri filimi ya Jenoside 100 Days.

6. Mu mwaka wa 2003, Rwasa yakinnye muri filimi za jenoside yakorewe abatutsi; Sometimes in April, yayobowe na Raoul Peck, aho yari kumwe n’abakinnyi bakomeye Edris Elba,Oris Erhuero na Carole Karemera.

7. Mu mwaka wa 2004-2010, Rwasa yakoze kuri Radio Flash, mu biganiro bitandukane nka; FlashBack Sunday, Imboni y’umuguzi na Top 20.

8. Yakinnye mu zindi filimi za Jenoside nka A Sunday in Kigali (2006), Operation Turquoise(2007), Sooting Dogs (2005) n’izindi

9. Rwasa yakinnye muri filimi yamenyekanye mu Rwanda yitwa Amarira y’Urukundo.

10. Rwasa yanditse kandi ayobora filimi muri Filimi  Sakabaka na Rwasa

11. Mu mwaka wa 2013,yahawe igihembo cya Rwanda Movie Award nk’umukinnyi mwiza w’umugabo w’umwaka.

12. Rwasa,umukinnyi yafataga nk’icyitegerezo kuri we ni Martin Fitzgerald Lawrence w’umunyamerika.

13. Rwasa yumvaga yaba umuDj, agafungura akabyiniro, igihe yaba ahagaritse ibyo gukina flimi.

14. Rwasa yakinnye muri Filimi mpuzamahanga zigera kuri 12.

15.  Rwasa, filimi ya nyuma ya kinnyemo ni Petit Pays ( Agahugu gato) y’umuhanzi Gaye Faye.

16. Rwasa yitabye iman tariki ya 5 Nzeri 2019, azize indwara ya Diyabete.

17. Rwasa yapfuye afite imyaka 43.

Page 6 of 37

Igiseke

culture-in-rwanda

Kwamamaza

Umurage Wacu 3lOGO UMURAGECqAJqoFW8AAF6RY.jpg large

Facebook

Inkuru zose

© 2016  Umurage Wacu  Group 

Tel:+250 783541018 /728541018

Email:umuragewacugroup@gmail.com

Address:Kigali-Rwanda

Design by FRI SOFT Ltd