Umuhanzikazi Kamaliza yibutswe mu gitaramo

Ni mu gitaramo cyabereye I Kigali muri Serena Hotel muri izi mpera z’icyumweru,cyari igitaramo cyiswe ‘Umurage Nyawo Kamaliza Concert’.

Ni igitaramo cyari gifite intego yo kwibuka Kamaliza no kuzirikana ku gikorwa cyiza yakoraga cyo gufasha abana no kugikomeza.Cyateguwe n’abanyeshuri  biga muri Diaspora n’umuryango Easy and Possible.

ababiteguye

Umuhanzi Mutamuriza Annonciata uzwi ku izina rya Kamaliza yavutse 25 Werurwe 1954, avukira ku musozi wa Rukara muri Runyinya (ubu ni mu karere ka Nyaruguru).Yabyirutse akunda gucuranga no kuririmba kandi yayikomoye ku muryango we nkuko byatangajwe na mukuru we Uwanjye Mariya.

Mariya yakomeje atangaza ko kamariza yakuze akunda imfubyi ubwo yatangiye kuzirera bakiva I Burundi aho bari barahungiye,aribwo Kamaliza yashinze umuryango Girubuntu Kamariza witaga ku mfubyi za jenoside.Kamaliza yitabye Imana tariki ya 5 Ugushyingo 1996 azize impanuka ubwo yari avuye mu Burundi.Yitabye Imana afite ipeti rya Sergent.

Kamaliza yari mu iterero Indahemuka ryari ririmo Masamba, Mukande, Karinganire, Minani Rwema,Mariya Yohana n’abandi.

indahemuka

Mariya Yohani wabanye na Kamaliza mu gisirikare cya RPA  yashimiye abateguye iki gitaramo, nubwo ari abana ariko bakoze igikorwa cyiza kuko bumvishe indirimbo ze bakamukunda.Yibukije akazi gakomeye Kamariza yakoze kugira ngo Indahemuka zikomere kandi zitera morale abari ku rugamba.

Igikorwa cyo kurera imfubyi cyakomejwe na mukuru we Mariya,wanahawe igihembo cy’ubwo butwari yakomeje, aho yari kumwe n’abamwe mu bana yareze.

abana barera

Ni igitaramo kitabiriwe n’abahanzi batandukanye mu Rwanda barimo Nelson,Masamba,Mariya Yohana,Nyiranyamibwa Suzanne,Jules Sentore n’abandi.Aba bahanzi bariribye indirimo za Kamaliza kandi banaririmba n’izabo.

masamba sentore

                                                                                                        Masamba na Jules Sentore

nyiranyamibwa 

                                      Nyiranyamibwa Suzanne

mariya yohana 

                                                                      Mariya Yohana

 

Last modified on Wednesday, 16 August 2017 12:59

Leave a comment

Make sure you enter all the required information, indicated by an asterisk (*). HTML code is not allowed.

Igiseke

culture-in-rwanda

Kwamamaza

Umurage Wacu 3lOGO UMURAGECqAJqoFW8AAF6RY.jpg large

Facebook

Inkuru zose

© 2016  Umurage Wacu  Group 

Tel:+250 783541018 /728541018

Email:umuragewacugroup@gmail.com

Address:Kigali-Rwanda

Design by FRI SOFT Ltd