Umusizi Nsabimana Janvier yegukanye Kigali Itatswe n’Ubusizi ku nshuro ya 9

Kigali itatswe n’ubusizi yabaye ku nshuro ya  9 yitabirwa n’abasizi batandukanye. Abarushanyijwe bavuze ibisigo/imivugo yabo mu ndimi ebyiri (Ikinyarwanda n’icyongereza).

Abasizi basiga mu Cyongereza harimo Gaella Umutoni yavuze umuvugo witwa "Poison", Abdul Malik ukomoka muri Kenya avuga "An Ode from Kenya", Buzombo Daniel yavuze uwitwa "I am sinking away", Kiiza Hussein avuga "Lettre from my mother", Frank Ndizeye yasize "The poem got me", Janvier Nsabimana yavuze umuvugo "My home, do you care about me?" na Rubibi Ben Johnson wavuze uwitwa "Open Letter of Love".

Abasizi basiga mu kinyarwanda, harimo Adelithe Mugabo ukora muri Save The Children yarushije abandi mu muvugo witwa "Ndasaba Guhindurirwa Akazi", Gasake Augustin, wari wifatanyije n’urubyiruko, yasize uwitwa "Uyu mwana ndamukunda", Iradukunda Providence wavuze "Isata ivuza ubuhuha".

Kigali Itatswe n’ubusizi  yegukanwa n’umusizi Nsabimana Janvier,ni umusizi uturuka mu nkambi ya Nyabiheke iri mu karere ka Gatsibo,akaba akomoka muri Repubulika Iharanira Demokarasi ya Congo.Janvier kandi akaba ariwe watowe n’abari bitabiriye Kigali itatswe n’ubusizi.Umusizi Adelithe Mugabo iwe watoranyijwe nk’uwahize abandi mu Kinyarwanda.

Umuyobozi wa Transpoesis, Dr. Andrea Grieder, mu kwakira uyu musore yamuhaye ikaze agira ati "Ni ishimwe rikomeye kuri twe kuba tubasha kwakira abasizi baturutse kure. Nsabimana ajya kwiyandikisha yavuze ko bwa mbere yabanje kumva iri rushanwa kuri barivuga kuri radiyo, nyuma ngo ashakishije kuri internet aza kumenya amakuru aryerekeyeho. Yaturutse i Kayonza, twishimiye rero kumwakira."

Mu ijambo ryishimwe, Nsabimana yagize ati " Mbere na mbere ndashimira Transpoesis yateguye iki gikorwa igatekereza ku basizi, kutwizera nk’abasizi mu butumwa dutanga. Ntibyoroshye kwizera ko natsinze gusa ndishimye cyane kandi namwe ndabashimiye ku bw’aya mahirwe, nifuza kubaho nk’umusizi mu buzima bwanjye bwose."

Ifoto:Igihe

Last modified on Wednesday, 01 November 2017 17:47

Leave a comment

Make sure you enter all the required information, indicated by an asterisk (*). HTML code is not allowed.

Igiseke

culture-in-rwanda

Kwamamaza

Umurage Wacu 3lOGO UMURAGECqAJqoFW8AAF6RY.jpg large

Facebook

Inkuru zose

© 2016  Umurage Wacu  Group 

Tel:+250 783541018 /728541018

Email:umuragewacugroup@gmail.com

Address:Kigali-Rwanda

Design by FRI SOFT Ltd